O conselleiro de Política Territorial, Obras Públicas e Vivenda, en data 9 de setembro de 2003, de conformidade co disposto polo artigo 96 da Lei 9/2002, de ordenación urbanística e protección do medio rural de Galicia

ACORDOU:

Primeiro.-Inicia-lo expediente de suspensión do Plan xeral de ordenación urbana de Tui, para os efectos establecidos polo artigo 96 da Lei 9/2002, de ordenación urbanística e protección do medio rural de Galicia.

Segundo.-De conformidade co establecido polo artigo 96.2º da Lei 9/2002, o presente acordo determina a suspensión automática do procedemento de outorgamento de licencias en todo o termo municipal de Tui.

A suspensión automática de licencias producirá efectos a partir da data desta resolución e ata a entrada en vigor da ordenación provisional que resulte aprobada polo Consello da Xunta de Galicia.

O que se fai público para xeral coñecemento.

Santiago de Compostela, 9 de setembro de 2003.

José Antonio Fernández Vázquez

Secretario xeral da Consellería de Política

Territorial, Obras Públicas e Vivenda