Visto o expediente instruído como consecuencia do concurso de traslados convocado por Resolución do 22 de maio de 2003 (BOE e DOG do 19-6-2003), para cubri-las prazas vacantes para secretarías de xulgados de paz entre secretarios de paz a extinguir
de máis de 7000 habitantes e oficiais da Administración de xustiza,
Esta dirección xeral, de conformidade co disposto nos artigos 455, 481 e 494 da Lei orgánica 6/1985, do 1 de xullo, do poder xudicial, no Regulamento orgánico do corpo de secretarios da xustiza municipal, aprobado por Decreto de 12 de xuño de 1970 e o capítulo III do título IV do Regulamento orgánico dos corpos de oficiais, auxiliares e axentes da Administración de xustiza , aprobado polo Real decreto 249/1996, do 16 de febreiro,
DISPÓN:
Primeiro.-Facer públicos os destinos que con carácter definitivo se adxudicaron ós funcionarios que participaron no concurso de traslados convocado por resolución da data mencionada anteriormente, que se corresponden cos relacionados no anexo I da resolución da convocatoria.
Segundo.-Excluír do concurso de traslados os funcionarios que no anexo II se relacionan.
Terceiro.-Declarar caducadas as instancias presentadas polos participantes no presente concurso que non obtiveron destino, polo que non se terán en conta en futuros concursos de traslados.
Cuarto.-Declarar desertas as prazas non adxudicadas no presente concurso, agás que se pretendan amortizar ante modificación do cadro de persoal ou reordenación de efectivos dun centro de traballo, polo que se cubrirán na forma prevista no artigo 458 da Lei orgánica do poder xudicial por funcionarios de novo ingreso.
Quinto.-O cesamento deberá efectuarse dentro dos tres días hábiles seguintes á publicación desta resolución no Boletín Oficial del Estado ou Diario Oficial de Galicia se é simultánea, e deberá tomar posesión do novo destino obtido por concurso nos tres días naturais seguintes ó cesamento, se non hai cambio de localidade, ou nos dez días naturais seguintes, no caso contrario. O prazo posesorio será retribuído pola Administración competente respecto da praza obtida no concurso.
Se a resolución comporta reingreso ó servicio activo á Administración de xustiza, o prazo posesorio deberá comezar a contar desde o día seguinte á publicación desta resolución no Boletín Oficial del Estado ou no Diario Oficial de Galicia se é simultánea, pero no presente caso o devandito prazo non resulta retribuído, xa que se produce antes de formalizarse o reingreso no corpo de secretarios de paz ou oficiais e, por tanto, non pode computarse como de servicios efectivos.
Se non se lograra a simultaneidade das publicacións da resolución, os prazos contaranse desde o día seguinte ó da publicación no Boletín Oficial del Estado.
No caso de que os funcionarios reingresados por medio do presente concurso se atopen en activo nou
tro corpo e non desexaran que se lles interrompese a súa relación de servicio coa Administración, dada a necesidade de contar co tempo indispensable para efectua-la toma de posesión, poderán solicitar ó presidente, xuíz, fiscal ou xefe do organismo do seu actual destino, un permiso retribuído dun día se non hai cambio de localidade ou de dous en caso contrario, agás aqueles casos que teñan que desprazarse a Canarias, Illes Baleares ou Ceuta e Melilla, para os que o permiso poderá ser de ata tres días (art. 66.1º g) do Regulamento orgánico), e o cesamento no seu anterior terá destino data inmediatamente anterior á da súa posesión na nova praza de reingreso.
Esta comunidade autónoma competente concederalles a excedencia de oficio no corpo de procedencia se esta se produce nun corpo ó servicio da Administración de xustiza, e o cesamento neste destino terá data anterior á da súa posesión no corpo de oficiais ó obxecto de evita-la interrupción na percepción dos seus haberes.
Os funcionarios interinos que actualmente ocupen as prazas que foron adxudicadas cesarán como consecuencia da posesión do seu titular.
Contra a presente resolución, que esgota a vía administrativa, poderase interpoñer recurso contencioso-administrativo ante o xulgado do contencioso-administrativo competente no prazo de dous meses, de acordo co establecido nos artigos 14 e 25 da Lei 29/1998, do 13 de xullo, reguladora da xurisdicción contencioso-administrativa; ou ben recurso potestativo de reposición ante este órgano no prazo dun mes, segundo o establecido nos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, ambos prazos contados desde o día seguinte ó da súa publicación no Boletín Oficial del Estado ou Diario Oficial de Galicia se é simultánea.
Santiago de Compostela, 12 de setembro de 2003.
Juan José Martín Álvarez
Director xeral de Xustiza
ANEXO I
Concurso de traslados: convocatoria Resolución do 22 de maio de 2003 (BOE e DOG 19-6-2002)
Destinos adxudicados na Comunidade de Galicia
FÓN CIA PUNTOS ACTUAL
1º APELIDO 2º APELIDO NOME DNI CORPO ESCALA-
PREFEREN-
A M D ID TOTAL
DESTINO ADXUD. DESTINO
(Pontevedra) (Pontevedra)
(A Coruña)
(A Coruña)
(A Coruña)
DEREITO
(A Coruña)COSTAS PORTELA FCO. JAVIER 76806404 OFICIAL 2789 DEREITO 14 6 10 6 20,53 SECRETARÍA XDO. PAZ BUEU
XDO. PAZ NIGRÁN
CRESPO ALADREN ROSALÍA 17101840 SECRET 0 1 10 6 6,11 SECRETARÍA XDO. PAZ CAMARIÑAS
EXCEDENTE
FERREIRO VAZQUEZ JUAN CARLOS 32786604 OFICIAL 0 0 1 0 0,00 SECRETARÍA XDO. PAZ CARNOTA
EXCEDENTE
LOUREIRO PENA JOSE MANUEL 32426220 OFICIAL 0 0 1 6 6,00 SECRETARÍA XDO. PAZ MAZARICOS
EXCEDENTE
RAMA REY GUMERSINDO 76331069 OFICIAL
0 0 1 6 6,00 SECRETARÍA XDO. PAZ MUXÍA
EXCEDENTE
ANEXO II
Non hai excluídos
TRIBUNAL SUPERIOR DE XUSTIZA DE GALICIA (SALA DO
CONTENCIOSO-ADMINISTRATIVO,
SECCIÓN SEGUNDA)