Por Orde do 19 de maio de 2003 (DOG do 26 de maio) convocáronse, entre outras accións do Programa de Recursos Humanos do Plan Galego de

Investigación, Desenvolvemento e Innovación Tecnolóxica bolsas de predoutoramento (nova adxudicación e segunda prórroga).

Conforme o disposto nas bases da convocatoria recollidas na Orde do 19 de maio de 2003 (DOG do 26 de maio) e na Orde do 15 de xullo de 2002 (DOG do 24 de xullo) desde o 18 ó 28 de xullo expuxéronse as listas das solicitudes de bolsas de predoutoramento de nova adxudicación admitidas e excluídas, podendo durante ese período os interesados formular reclamacións para emendar erros e falta de documentos.

Rematado ese prazo e estudiadas as reclamacións presentadas, as solicitudes admitidas foron avaliadas, xunto coas solicitudes de segunda prórroga de bolsas de predoutoramento, pola Comisión de Selección de Investigación, creada por Decreto 37/1998, do 30 de xaneiro (Diario Oficial de Galicia do 6 de febreiro), e orde da Consellería de Innovación, Industria e Comercio do 11 de marzo de 2003 (DOG do 19 de marzo).

En consecuencia, atendendo a proposta elaborada pola citada comisión, esta consellería

RESOLVE:

Primeiro.-Concedérlle-la segunda prórroga da bolsa para a realización da tese doutoral durante o período outubro 2003-marzo 2004 (ambos inclusive) ás persoas que se relacionan no anexo I da presente resolución.

Segundo.-Concederlles novas bolsas para a realización da tese de doutoramento, durante o período outubro 2003-setembro 2004 (ambos inclusive), ás persoas que se relacionan no anexo II da presente resolución.

Terceiro.-No caso de producirse algunha renuncia ás bolsas ás que se refire o anexo II da presente resolución, a Dirección Xeral de Investigación e Desenvolvemento procederá, se é o caso, e tendo en conta o remanente de crédito, a adxudicárlle-la dita axuda a outros candidatos de acordo coa lista de suplentes elaborada pola Comisión de Selección de Investigación e que se inclúe no anexo III da presente resolución. A asignación farase polo mesma orde na que se relacionan.

Así mesmo, no caso de existir remanente orzamentario, a Dirección Xeral de Investigación e Desenvolvemento, poderá adxudicárlle-la dita axuda a outros candidatos, de acordo coa mencionada lista de suplentes.

A contía das bolsas será de 905 euros mensuais brutos e aboaranse con cargo á aplicación orzamen-

taria 08.05.432A.480.0 cofinanciada con recursos procedentes do programa operativo do Fondo Social Europeo.

Cuarto.-A inobservancia por parte dos beneficiarios de calquera das obrigas establecidas nas bases da convocatoria suporá a perda do dereito a percibi-la subvención correspondente.

Quinto.-As solicitudes que non figuran relacionadas nos anexos I, II e III da presente resolución e que foron admitidas para participar nesta convocatoria, enténdese que quedan denegadas.

Sexto.-Contra a presente resolución poderán os interesados interpoñer potestativamente recurso de reposición ante o mesmo órgano no prazo dun mes, contado a partir do día seguinte ó da publicación desta resolución no Diario Oficial de Galicia. De non estima-la interposición deste recurso, poderase interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación desta resolución no Diario Oficial de Galicia.

Disposición derradeira

A presente resolución entrará en vigor o día seguinte ó da súa publicación no Diario Oficial de Galicia.

Santiago de Compostela, 23 de setembro de 2003.

P.D. (Orde 21-1-2003, DOG do 27 de xaneiro)

Jesús Vázquez San Luis

Secretario xeral da Consellería de Innovación,

Industria e Comercio

ANEXO I

ANEXO II

ANEXO III