Eu, Jaime Balado Yáñez, secretario xudicial do Xulgado do Social número dous da Coruña,

Dou fe e testemuño en autos seguidos perante este Xulgado do Social, tramitados baixo o número 515/2003, por instancia de Cristina Codesido Sánchez e outra contra empresa Carballos Altos, S.L. e outros sobre despedimento, dictouse a siguiente sentencia:

«Sentencia. Na cidade da Coruña o 26 de agosto de 2003, Jorge Hay Alba, maxistrado-xuíz do Xulgado do Social número dous desta cidade, viu os presentes autos de xuízo número 515/2003, seguidos por instancia de Cristina Codesido Sánchez e María del Carmen Bao López, maiores de idade, asistidas pola letrada Antonia Rodríguez López, contra a empresa Carballos Altos, S.L., representada por Marta Sánchez Losada e asistida polo letrado Francisco Javier Pérez Posada; Marta Sánchez Losada, maior de idade e asistida pola letrada anterior; Jorge Manuel López Neira, maior de idade; e as empresas Sastrería López Parga, S.L. e Neyva, S.L., que non compareceron nos autos; coa intervención do Fondo de Garantía Salarial, representado e asistido pola letrada Enma Pérez Díez del Corral, sendo o obxecto da reclamación, despedimento.

Seguen feitos e fundamentos de dereito.

Decido que, estimando a demanda interposta polas demandantes, debo declarar e declaro improcedente o despedimento efectuado pola empresa Carballos Altos, S.L. e extinguida a relación laboral, na data desta resolución, condenando á referida entidade a que aboe ás demandantes a seguinte indemnización, máis, o aboamento dos salarios de tramitación desde a data de despedimento a Cristina Codesido Sánchez, 5.143,21 euros máis 2.858,77 euros polos salarios de tramitación e a María del Carmen Bao López, 7.222,38 euros máis 2.859,77 euros polos salarios de tramitación. Coa absolución das entidades Neyva, S.L., Sastrería López Parga, S.L., Manuel López Neira e Marta Sánchez Losada.

Notifíquese esta resolución ás partes ás que se fará saber que contra esta, só cabe recurso de suplicación ante o Tribunal Superior de Xustiza de Galicia, debendo anuncialo ante este xulgado no prazo de cinco días contados a partir da notificación desta sentencia, e en propio termo, se o recorrente non goza do beneficio de xustiza gratuíta deberá ó anuncia-lo recurso, entregar xustificante acreditativo de ter consignado a cantidade obxecto de condena na Conta de Depósitos e Consignacións que este xulgado

ten aberta no Banesto desta cidade no número de conta 0030-6349-5603-0000-60-515-03.

E igualmente deberá no momento de interpoñe-lo recurso consigna-la suma de 150,25 euros en concepto de depósito especial para recorrer na conta 030-6349-5603-0000-60-515-03.

Así, por esta miña sentencia, definitivamente xulgando en primeira instancia, o pronuncio, mando e asino».

E para que sirva de notificación ás empresas Neyva, S.L. e Sastrería López Parga, S.L., que ten o seu enderezo descoñecido, mediante a súa publicación no Diario Oficial de Galicia, expido e asino esta cédula de notificación na Coruña o 26 de agosto de 2003.

Jaime Balado Yáñez

Secretario xudicial