Pola Orde do 8 de outubro de 2001 (DOG nº 199, do 15 de outubro) convocouse proceso selectivo para

o ingreso en distintas escalas do corpo facultativo de grao medio da Xunta de Galicia (grupo B); unha vez elevada a definitiva a proposta de aspirantes que superaron este proceso selectivo na escala de enxeñeiros técnicos agrícolas pola Orde do 10 de xullo de 2003 (DOG nº 138, do 17 de xullo), e co obxecto de que os aspirantes que superaron o dito proceso accedan á condición de funcionarios coa maior brevidade posible, esta consellería

DISPÓN:

Convoca-los aspirantes que superaron o proceso selectivo para o ingreso no corpo facultativo de grao medio da Xunta de Galicia (grupo B), escala de enxeñeiros técnicos agrícolas, para a elección de

destino provisional, en único chamamento, no salón de actos pequeno da Consellería da Presidencia, Relacións Institucionais e Administración Pública sito no soto desta consellería no edificio administrativo de San Caetano en Santiago de Compostela o día 24 de setembro de 2003, ás 10.00 horas.

Os aspirantes poderán elixir segundo a orde acadada no proceso selectivo convocado pola Orde do 8 de outubro de 2001 entre os postos que se relacionan no anexo desta orde.

Os aspirantes deberán ir provistos de DNI ou outro documento que acredite fidedignamente a súa personalidade.

Os que non comparezan persoalmente poderán ser representados por terceiras persoas con poder notarial suficiente.

Unha vez rematado o proceso de adxudicación das prazas ós aspirantes presentes ou representados, ós que non comparezan persoalmente nin por medio de representantes seranlles adxudicadas en destino provisional as prazas que lle correspondan atendendo á orde de publicación destas e ó número obtido no proceso selectivo, entre as que quedasen sen adxudicar.

Santiago de Compostela, 15 de setembro de 2003.

Jaime Pita Varela

Conselleiro da Presidencia, Relacións

Institucionais e Administración Pública

ANEXO