Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: reforma de C.S. A Grela.

Situación: A Coruña.

Descricións técnicas: ampliación e reforma do centro de seccionamento e de transformación da Grela, consistente en:

Nova configuración das celas de liña denominadas GRN-706 e GRN-746 así coma outras de conexión, remonte e protección de centros de transformación. Implantación dun novo transformador de 630 kVA e tensións de 15/0,380-0,220 kV, quedando instalada unha potencia total de 1x250+1x630 kVA, dentro do recinto de subestación da Grela. Concello da Coruña.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 31 de xullo de 2003.

Jesús Espada Martínez

Delegado provincial da Coruña