Examinado o expediente incoado pola titularidade dos centros privados Delta-Tor de Santiago de Compostela e Delta de Teo (A Coruña) solicitando o cesamento de actividades dos ditos centros.
Resultando que o centro privado Delta-Tor de Santiago de Compostela obtivo, por Resolución do 24 de setembro de 1999 (DOG do 20 de outubro), autorización para ciclos formativos de grao medio.
Resultando que o centro privado Delta de Teo (A Coruña) obtivo, por Orde do 17 de agosto de 2000 (DOG do 11 de setembro), autorización para ciclos formativos de grao superior.
Vistos o Decreto 133/1995, do 10 de maio (DOG do 22), sobre autorización de centros docentes privados para impartir ensinanzas de réxime xeral non universitarias e a Orde do 20 de setembro de 1995 (DOG do 15 de decembro) que o desenvolve.
Esta consellería, por proposta da Dirección Xeral de Centros e Ordenación Educativa,
DISPÓN:
Autoriza-lo cesamento de actividades, con efectos do 1 de setembro de 2003, dos centros privados Delta-Tor de Santiago de Compostela e Delta de Teo (A Coruña), segundo os datos que se relacionan no anexo desta orde, quedando nulas e sen ningún efecto as disposicións que autorizan o funcionamento legal dos devanditos centros.
Contra esta orde, que esgota a vía administrativa, os interesados poderán interpoñer recurso potestativo de reposición perante o conselleiro de Educación e Ordenación Universitaria, no prazo dun mes, a partir do día seguinte ó da súa publicación no Diario Oficial de Galicia, segundo o disposto nos artigos 116 e 117 da Lei 4/1999 (BOE do 14 de xaneiro), de modificación da Lei 30/1992, de réxime xurídico das administracións públicas e do procedemento administrativo común, ou ben directamente o recurso contencioso-administrativo, no prazo de dous meses, perante o Tribunal Superior de Xustiza de Galicia.
Santiago de Compostela, 1 de setembro de 2003.
Celso Currás Fernández
Conselleiro de Educación e Ordenación universitaria
ANEXO
-Provincia: A Coruña.
Localidade: Santiago de Compostela.
Concello: Santiago de Compostela.
Enderezo: Praza de Vigo, 1.
Código do centro: 15020386.
Denominación: Delta-Tor.
Titular: Academia Delta-Tor, S.L.
Autorización do cesamento de actividades do centro.
-Provincia: A Coruña.
Localidade: Teo.
Concello: Teo.
Enderezo: Vilar de Calo, s/n, Seixo.
Código do centro: 15032121.
Denominación: Delta.
Titular: Academia Delta-Tor, S.L.
Autorización do cesamento de actividades do centro.