De conformidade coa proposta da comisión designada para xulga-lo concurso que convocou esta universidade por Resolución do 13 de novembro de 2001 (BOE do 27 de novembro), para a provisión da praza número 01/178 de catedrático de escola universitaria da área de coñecemento de otorrinolaringoloxía, do departamento de Medicina desta universidade, a favor de Adolfo Sarandeses García, e unha vez que o interesado acreditase os requisitos ós que alude o artigo 5.2º do Real decreto 1888/1984, do 26 de setembro,

Este rectorado, no uso das atribucións que lle confire o artigo 20 da Lei 6/2001, do 21 de decembro, de universidades, e demais disposicións que a desenvolven, resolveu nomear a Adolfo Sarandeses García catedrático de escola universitaria da área de coñecemento de otorrinolaringoloxía, do departamento de Medicina desta universidade.

A Coruña, 4 de agosto de 2003.

José Luis Meilán Gil

Rector da Universidade da Coruña