Por medio desta cédula, e en cumprimento do disposto no artigo 142 do Regulamento de VPO aprobado polo Decreto 2114/1968, do 24 de xullo, notifícaselle ós interesados cos datos e último domicilio coñecido sinalados no anexo, as resolucións dos correspondentes expedientes administrativos de desafiuzamento que, cos números que se indican, se iniciaron neste organismo por ocupación sen título legal, causa prevista no artigo 30.2º do Real decreto 2960/1976, do 12 de novembro, polo que se aproba o texto refundido da lexislación de VPO, e 138.2º do Decreto 2114/1968, do 24 de xullo, polo que se aproba o Regulamento de vivendas de protección oficial.
A dita resolución ordena o lanzamento de Nicolás Camacho Giménez, Joaquín Camacho Barrul e outros da vivenda que ocupan, sita en Ferrol, Fonte da Greza, nº 17, bloque 25, P-3, 3º C do polígono de Esteiro (Ferrol) (expediente C-85/200, conta 20), outorgando un prazo previo ó dito lanzamento de 15 días para o desaloxo voluntario.
Transcorrido o dito prazo, o lanzamento será executado por un funcionario nomeado para o efecto polo delegado provincial do IGVS na Coruña, coa perceptiva autorización xudicial para a entrada no domicilio de particulares na execución forzosa de actos da Administración, e con auxilio das forzas de seguridade do estado, autonómicas ou locais.
Contra esta resolución, que non esgota a vía administrativa, poderá interpoñerse recurso de alzada perante o conselleiro de Política Territorial, Obras Públicas e Vivenda, no prazo dun mes, contado desde o día seguinte ó da súa publicación.
E para que conste e lles sirva de notificación ós interesados, en cumprimento do disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, expido, asino e selo esta cédula na Coruña, 23 de xullo de 2003.
Rosa Mª Gallego Neira
Xefa da Área Provincial da Coruña
ANEXO
Nº expediente de desafiuzamento: 1/2002.
Expedientado: Nicolás Camacho Giménez, Joaquín Camacho Barrul e outros.
Último domicilio coñecido: Fonte da Greza, 17, bloque 25, P-3, 3º C, polígono de Esteiro (Ferrol).
(Expediente C-85/200, conta 20).