En congruencia co Acordo do 31 de xullo de 2003, da Comisión de Reclamacións do Claustro Universitario desta universidade, declarando non ratifica-la proposta no seu día realizada pola comisión xulgadora do concurso relativo á praza 01/069, de catedrático de universidade da área de coñecemento de filosofía, do departamento de Filosofía e Métodos de Investigación en Educación,

Este rectorado, no uso das atribucións concedidas polo artigo 40 da Lei 11/1983, do 25 de agosto, de reforma universitaria, e demais disposicións que a desenvolven, resolveu a non provisión da referida praza.

Contra esta resolución e de conformidade co disposto no artigo 116 da Lei 30/1992, do 26 de novembro, de réxime xurídico das administracións públicas e do procedemento administrativo común, cabe interpoñer recurso contencioso-administrativo ante os xulgados do Contencioso-Administrativo no prazo de dous meses, de conformidade co establecido no artigo 46 da Lei 29/1998, de 13 de xullo, reguladora da dita xurisdicción, ou, potestativamente, recurso de reposición ante o rector no prazo dun mes, con

tados ambos a partir do día seguinte ó da notificación ou publicación, sen prexuízo de poder interpoñer calquera outro recurso que legalmente proceda.

A Coruña, 1 de agosto de 2003.

José Luis Meilán Gil

Rector da Universidade da Coruña