Consonte a proposta formulada pola comisión constituída para xulga-lo concurso convocado por resolución desta universidade do 20 de novembro de 2001 (BOE do 14 de decembro) para a provisión dunha praza de catedrático de universidade da área de coñecemento de enxeñería química, do departamento de Enxeñería Química, en prol de María de los Ángeles Sanromán Braga, con documento nacional de identidade número 31238352-M, e cumprindo a interesada os requisitos do número 2º do artigo 5 do Real decreto 1888/1984, do 26 de setembro,
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a María de los Ángeles Sanromán Braga catedrática de universidade da área de coñecemento de enxeñería química, do departamento de Enxeñería Química.
Este nomeamento producirá plenos efectos a partir da correspondente toma de posesión pola interesada, que deberá efectuarse no prazo máximo dun mes, contado desde o día seguinte ó da publicación desta resolución no Boletín Oficial del Estado.
Contra esta resolución, que esgota a vía administrativa, poderase interpoñer recurso ante a xurisdicción contencioso-administrativa no prazo de dous meses contados a partir do día seguinte ó da súa publicación, de conformidade co disposto na Lei 29/1998, do 13 de xullo, reguladora da xurisdicción contencioso-administrativa.
Non obstante, os interesados poderán optar por interpor contra esta resolución recurso de reposición no prazo dun mes contado a partir do día seguinte ó da súa publicación perante o mesmo órgano que a dictou. Neste caso non caberá interpo-lo recurso contencioso-administrativo antes citado mentres non se dicte resolución expresa ou presunta do recurso de reposición, de acordo co disposto na Lei 4/1999, do 13 de xaneiro, modificadora da Lei 30/1992, do
26 de novembro, de réxime xurídico das administracións públicas e do procedemento administrativo común.
Vigo, 30 de xullo de 2003.
Domingo Docampo Amoedo
Rector da Universidade de Vigo
