Por acordo da Comisión de Goberno, en sesión con data do 18 de agosto de 2003, anúnciase o concurso aberto, tramitación urxente, das obras de abastecemento de augas a Lastres, Lusío, Formigueiros, San Paio e Bustofrío (continuación).

Así mesmo, na dita sesión aprobouse o prego de cláusulas económico-administrativas particulares que deberán rexe-la contratación, o que se expón ó público polo prazo de catro días hábiles na secretaría deste concello, contados a partir do seguinte ó da última publicación deste anuncio no BOP de Lugo ou no DOG, para efectos de presentación de reclamacións. A licitación aprazarase no caso de que se formulen reclamacións contra este prego. 1. Entidade adxudicadora. a) Organismo: Concello de Samos. b) Dependencia que tramita o expediente: Secretaría. 2. Obxecto do contrato. a) Descrición do obxecto: abastecemento de augas a Lastres, Lusío, Formigueiros, San Paio e Bustofrío (continuación) de acordo co proxecto técnico redactado polo enxeñeiro de camiños José Enrique Cacicedo Herrero. b) Lugar de execución: Samos. c) Prazo de execución: 3 (tres) meses. 3. Tramitación, procedemento e forma de adxudicación. a) Tramitación: urxente. b) Procedemento: aberto. c) Forma: concurso. 4. Orzamento

base de licitación: 66.170,00 euros, IVE incluído. 5. Garantías. a) Garantía provisional: 1.323,40 euros. b) Definitiva: o 4% do importe de adxudicación. 6. Obtención de documentación e información. a) Entidade: Concello de Samos. b) Domicilio: pza. España, s/n. c) Localidade: Samos, CP 27620. d) Teléfono: 982 54 60 02-982 54 61 72; fax: 982 54 61 22. e) Data límite de obtención de documentos e información: ata o último día do prazo de presentación de proposicións. 7. Requisitos específicos do contratista: os sinalados no prego de cláusulas económico-administrativas. 8. Presentación de ofertas. a) Data límite: trece días naturais contados a partir do seguinte ó da última públicación deste anuncio no BOP de Lugo ou no DOG; se este fose inhábil, o seguinte hábil. b) Lugar de presentación: no rexistro xeral do Concello de Samos, das 9.00 ás 14.00 horas. 9. Documentación que hai que presentar: a sinalada no prego de cláusulas económico-administrativas particulares. 10. Apertura das

ofertas: pola mesa de contratación na Casa do Concello de Samos, ás 12.00 horas do terceiro día hábil seguinte ó do remate do prazo de presentación de proposicións. 11. Gastos de anuncios: serán por conta do adxudicatario.

Samos, 19 de agosto de 2003.

O alcalde

Rubricado