Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S. e CC.TT. urbanización Salgueiriños.

Situación: Santiago de Compostela.

Características técnicas: liña eléctricas subterráneas de media tensión a 20 kV, baixo tubo e con conductor R.H.V. 12/20 kV de 3(1x240) mm Al:

-De 2.515 m de lonxitude, coa orixe na liña que alimenta o C.T. Melide-PERI 11 e final na mesma liña, unha vez que entre e saia dos catro CC.TT. que se van instalar na urbanización Salgueiriños.

-De 300 m de lonxitude, coa orixe na torre metálica que se vai instalar 6 m antes da derivación a C.T. tra-la feira e final na mesma liña en torre metálica que se vai instalar en dirección a C.T. Os Villares II.

Catro centros de transformación na urbanización Salgueiriños, de 400 kVA e tensións de 20/3,800-0,220 kV, nº 1 e 3 prefabricados subterráneos baixo beirarrúa de acceso vertical, nº 2 e 4 subterráneos baixo placa de acceso horizontal. Concello de Santiago de Compostela.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 14 de xullo de 2003.

Jesús Espada Martínez

Delegado provincial da Coruña