Ponse en coñecemento de tódolos interesados na concentración parcelaria da zona de Leira, Ordes (A Coruña), declarada de utilidade pública e urxente execución polo Decreto 525/1990, do 29 de novembro (DOG nº 248, do 19 de decembro) o seguinte:

Primeiro.-Con data do 26 de xuño de 2003, o director xeral de Infraestructuras Agrarias aprobou o acor

do de concentración parcelaria da zona de Leira, Ordes (A Coruña), que estará exposto ó público no Concello de Ordes e na zona, de conformidade co que determina a Lei 10/1985, do 14 de agosto, de concentración parcelaria para Galicia, modificada pola Lei 12/2001, do 10 de setembro.

Segundo.-Os documentos que se poden examinar no citado concello refírense ós predios de substitución onde constan as situacións xurídicas derivadas das parcelas de procedencia, as fichas de atribucións, os planos e outros.

Terceiro.-Contra o devandito acordo os interesados poderán interpoñer recurso de alzada perante o conselleiro de Política Agroalimentaria e Desenvolvemento Rural, dentro do prazo de trinta días, contado desde a notificación persoal ou publicación substitutiva, na delegación provincial desta consellería (edificio administrativo de Monelos, praza Luís Seoane, s/n, 6º andar, A Coruña), nas oficinas centrais da consellería (San Caetano, s/n, Santiago de Compostela) ou en calquera das dependencias ás que fai referencia o artigo 38.4º da Lei de réxime xurídico das administracións públicas e do procedemento administrativo común.

A Coruña, 16 de xullo de 2003.

Jesús Collar Urquijo

Delegado provincial da Coruña