Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.S., C.T.C. e R.B.T. Aquelabanda II.
Situación: Abegondo.
Características técnicas: liña eléctrica subterránea de media tensión, a 15 kV, baixo tubo e con conductor R.H.V. 12/20 kV de 3(1x150) mm Al, de 456 m de lonxitude, coa orixe no apoio nº 10 da liña CES 705 Cr. Cesuras e final no C.T.C. Aquelabanda II, que se vai instalar. Centro de transformación, tipo caseta prefabricada de formigón, de 160 kVA e tensións de 15/0,380-0,220 kV, Aquelabanda II, do que parte rede de baixa tensión subterránea, con conductor R.V. de 15 m, seguido de
tramo aéreo, sobre apoios de formigón e conductor R.Z. de 175 m, que se conectan á rede existente no lugar. Concello de Abegondo.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 4 de xullo de 2003.
Jesús Espada Martínez
Delegado provincial da Coruña