a) Obra.
Título: mellora de travesía da Pobra de Brollón e reposición de servicios básicos. Estrada LU-653 da Pobra de Brollón ó Hospital do Incio.
Clave: LU-03-044.06.
Orzamento: catrocentos dez mil sesenta e un euros con sesenta e un céntimos (410.061,61 A).
Prazo de execución: 4 meses.
Clasificación: grupo G, subgrupo 4, categoría e.
Garantía provisional: non se esixe.
(Declarada urxente consonte o establecido no artigo 71 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas).
b) Documentos de interese para os licitadores.
O prego de cláusulas administrativas particulares e o proxecto da obra que se relaciona e demais documentos de interese estarán de manifesto e ó dispor dos licitadores para o seu exame, durante o prazo de presentación das proposicións, os días e as horas
hábiles de oficina, na Delegación Provincial da Consellería de Política Territorial, Obras Públicas e Vivenda, na Ronda da Muralla, nº 70-2º (Lugo).
c) Garantías que se lles esixen ós licitadores.
Esixirase a fianza provisional indicada na letra a) anterior, agás nos casos establecidos no artigo 35 do texto refundido da Lei de contratos das administracións públicas (Real decreto lexislativo 2/2000, do 16 de xuño), e unha garantía definitiva equivalente ó catro por cento (4%) do orzamento de contrata.
As ditas fianzas poderán ser presentadas na modalidade e polas persoas ou entidades que especifica a lexislación vixente.
d) Modelo de proposición.
Proposición económica formulada estrictamente conforme o modelo que se achega ó prego de cláusulas administrativas particulares.
e) Prazo e lugar de presentación das proposicións.
As proposicións deberán dirixirse en sobres pechados ó Rexistro Xeral da Delegación Provincial da Consellería de Política Territorial, Obras Públicas e Vivenda de Lugo, ben persoalmente ou ben envialas por correo dentro do prazo de admisión sinalado conforme o disposto no artigo 80 do Real decreto 1098/2001, do 12 de outubro, polo que se aproba o Regulamento xeral da Lei de contratos das administracións públicas.
O prazo de admisión das proposicións terminará ás doce horas do décimo terceiro día natural, que non coincida en sábado, domingo ou festivo, seguinte ó da publicación deste anuncio no Diario Oficial de Galicia.
f) Apertura das proposicións.
A apertura das proposicións será realizada pola mesa de contratación ás once horas do sétimo día natural, que non coincida en sábado, domingo ou festivo, contado a partir do último día de presentación de proposicións, na sala de xuntas da Delegación Provincial da Consellería da Presidencia, Relacións Institucionais e Administración Pública, Edificio Administrativo de Lugo.
g) Outras informacións.
A mesa de contratación comprobará en acto previo a documentación xeral (sobre nº 1).
h) Documentos que deberán presenta-los licitadores.
Os que figuran no prego de cláusulas administrativas particulares.
O importe deste anuncio será por conta do adxudicatario.
Lugo, 13 de agosto de 2003.
Antonio Boné Pina
Delegado provincial de Lugo