Con data do 31 de xullo de 2003 publicouse no DOG nº 147 resolución da Universidade de Vigo pola que se anunciaba concurso público para a contratación da subministración do expediente 18/2003 equipamento de mobiliario deportivo e de oficina do pavillón polideportivo de Ourense (2 lotes).
Observado un erro nas prescricións técnicas correspondentes á descrición dos elementos do lote 2 e
no punto 5 do anuncio Garantías, acórdase efectua-la seguinte corrección:
Onde di: «5. Garantías: provisional: 2% dos importes de licitación. Definitivas: 4% dos importes de adxudicación», debe dicir: «5. Garantías: provisional (non se esixe). Definitivas: 4% dos importes de adxudicación». Así mesmo, acórdase modifica-las prescricións técnicas do lote 2, outorgando un novo prazo para a presentación de propostas que finaliza o décimo quinto día natural seguinte ó da publicación desta resolución no DOG. A mesa de contratación será o terceiro día hábil seguinte ó da data de remate do prazo de presentación de ofertas. Se este día fose inhábil ou sábado, reunirase o seguinte día hábil.
Vigo, 12 de agosto de 2003.
P.D. (Resolución 15-5-2003)
Augusto Viso Alonso
Xerente da Universidade de Vigo