O Concello Pleno, en sesión que tivo lugar o día 30-6-2003, acordou aprobar definitivamente o proxecto de modificación puntual do Plan Xeral de Ordenación Urbana vixente (creación dun viario) entre a avenida da Terra e a estrada das Gándaras (polígono do Ceao), redactado polo arquitecto municipal Santiago Puentes Colorado.

Faise público para os efectos determinados no artigo 70.2º da Lei 7/1985, en consonancia co 48.2º da Lei 1/1997, do 24 de marzo, do solo de Galicia.

Contra este acordo, que é definitivo en vía administrativa, poderase interpor, no prazo de dous meses, recurso contencioso-administrativo perante o Tribunal Superior de Xustiza de Galicia, sen prexuízo de que poida exercerse, se é o caso, calquera outro recurso que se considere procedente.

Lugo, 14 de xullo de 2003.

P.D. (Decreto Alcaldía 56/2003)

José Ramón Gómez Besteiro

Tenente alcalde delegado de área