En cumprimento do disposto no artigo 28.5º do Decreto 80/2000, do 23 de maio, polo que se regulan os plans e proxectos sectoriais de incidencia supramunicipal, esta dirección xeral dispón que se publique no DOG o acordo adoptado polo Consello da Xunta de Galicia na súa reunión do 4 de xuño de 2003 no que se corrixe o erro material detectado no acordo do Consello da Xunta de Galicia do 5 de decembro de 2002, polo que se aproba definitivamente a modificación do plan sectorial de incidencia supramunicipal Plan Eólico de Galicia, publicado mediante resolución da Dirección Xeral de Industria, Enerxía e Minas no DOG nº 2, do 3 de xaneiro de 2003:
O Consello da Xunta acorda:
Corrixi-lo erro material detectado no título e no número 1 da parte dispositiva do acordo do Consello da Xunta de Galicia, do 5 de decembro de 2002, nos seguintes termos:
Onde di: «... a modificación do proxecto sectorial de incidencia supramunicipal do Plan Eólico de Galicia...», debe dicir: «... a modificación do plan sectorial de incidencia supramunicipal Plan Eólico de Galicia».
Santiago de Compostela, 7 de xullo de 2003.
Ramón Ordás Badía
Director xeral de Industria, Enerxía e Minas