O Pleno do Concello, en sesión celebrada o día 4 de xullo de 2003, prestou aprobación ás bases que rexerán o concurso aberto, de forma urxente, para adxudicación da obra denominada reforma integral da praza de abastos, primeira fase. Estas bases expóñense ó público, por un prazo de 13 días naturais, supeditado a que non se produzan reclamacións contra elas, convócase concurso conforme o seguinte detalle:
1. Entidade adxudicadora: Concello de Mondoñedo.
2. Obxecto do contrato: concesión da obra de reforma integral da praza de abastos, primeira fase.
Orzamento da obra: 397.770,00 euros.
3. Tramitación, procedemento e forma de adxudicación.
a) Tramitación: urxente, segundo o acordo corporativo.
b) Procedemento: aberto.
c) Forma: concurso.
4. Garantías.
a) Provisional: 2% do tipo de licitación.
b) Definitiva: 4% do orzamento de contrato.
5. Clasificación do contratista: grupo C, subgrupos todos (do 1 ó 9), categoría d.
6. Obtención de documentación e información: na secretaría do Concello de Mondoñedo.
7. Presentación de ofertas: dado que se acordou o carácter urxente deste concurso, a data límite de presentación é de 13 días naturais, contados a partir da última publicación do anuncio de licitación no BOP ou no DOG.
8. Documentación que hai que presentar: a esixida nas bases.
9. Apertura de ofertas.
Data: o primeiro día hábil seguinte ó do remate de presentación de proposicións; se coincide en sábado, trasladarase ó primeiro día hábil seguinte.
Hora: 13.00 horas.
10. Gastos de anuncios: con cargo ó adxudicatario.
Mondoñedo, 8 de xullo de 2003.
Luis Rego Valcarce
Alcalde