Por medio desta cédula, notifícaselles ós interesados, que se relacionan no anexo, ós que non se lles puido practica-la notificación persoal, por ser devoltos os boletíns individuais de propiedade polo servicio de correos por resultaren descoñecidos os seus destinatarios ou ben porque intentada a notificación non se puido efectuar, que a xunta local

de concentración parcelaria de Santo André de Campo Redondo (Ribadavia-Ourense), acordou o día 9 de xuño de 2003 a aprobación das bases definitivas da concentración da zona, que estarán expostas ó público no Concello de Ribadavia e nos lugares de costume, de conformidade co disposto nos artigos 29.2º e 36 da Lei 12/2001, do 10 de setembro, que modifica a Lei 10/1985, de concentración parcelaria para Galicia.

Nas referidas bases definitivas figuran os correspondentes boletíns individuais de propiedade. Para o caso de que se tiveran formulado alegacións ás bases provisionais, as resolucións destas serán as modificacións reflectidas nos boletíns individuais de propiedade das bases definitivas.

Contra o devandito acordo aprobatorio das bases definitivas, que non é definitivo na vía administrativa, os interesados do anexo, poderán interpor recurso de alzada ante o conselleiro de Política Agroalimentaria e Desenvolvemento Rural no prazo de trinta días contados a partir do día seguinte o da súa publicación no Diario Oficial de Galicia, sinalando no escrito un domicilio dentro do termo municipal para face-las comunicacións que procedan.

Ourense, 8 de xullo de 2003.

Manuel López Casas

Delegado provincial de Ourense

ANEXO