Xuízo: divorcio nº 49/2002.
Parte demandante: Estrella Pazos Vallejo.
Parte demandada: Roberto Fernández Puga.
No xuízo citado acordouse entregarlle á parte demandada a cédula que ten o seguinte texto:
«Cédula de emprazamento.
Tribunal que ordena emprazar: Xulgado de Primeira Instancia e Instrucción número un de Ponteareas.
Asunto en que se acorda: o arriba citado.
Persoa que se empraza: Roberto Fernández Puga, en concepto de parte demandada.
Obxecto do emprazamento: comparecer no xuízo expresado para contestar por escrito a demanda, na que figura como parte demandada. Xúntase copia da demanda, dos documentos adxuntos e do auto de admisión daquela.
Tribunal ante o que debe comparecer: na sede deste xulgado.
Prazo para comparecer: vinte días hábiles computados desde o seguinte ó deste emprazamento.
Prevencións legais.
1. Se non comparece, será declarado en situación de rebeldía procesual e, notificada esta, non se levará a cabo ningunha outra, agás a da resolución que poña fin ó proceso (artigos 496 e 497 da Lei 1/2000, de axuizamento civil, LAC).
2. A comparecencia no xuízo débese realizar por medio de procurador, coa asistencia de avogado (artigo 750 da LAC).
3. Débelle comunicar a este tribunal calquera cambio de domicilio que se produza durante a substanciación deste proceso (artigo 155.5º parágrafo primeiro da LAC).
En Ponteareas, o sete de febreiro de dous mil dous.
O secretario xudicial».
En virtude do acordado nos referidos autos por providencia do día da data e de conformidade co disposto nos artigos 156.4º e 164 da Lei 1/2000, de axuizamento civil, para que lle sirva de emprazamento en legal forma ó demandado Roberto Fernández Puga, do que se descoñece o seu actual domicilio e paradoiro, quedando ó seu dispor na secretaría deste xulgado a copia da demanda e os documentos achegados, expido e asino este edicto en Ponteareas o dezaseis de xuño de dous mil tres.
O/A secretario/a xudicial
Rubricado