Por resolución da Dirección Xeral de Obras Públicas, do 28 de abril de 2003, aprobouse provisionalmente o proxecto de trazado e estudio de impacto ambiental da variante do trazado da estrada LU-VP/1101. LU-121 Moncelos a N-634 Abadín. Lugo. Clave: LU/00/34.1.
De acordo co establecido no artigo 15.1º da Lei 4/1994, do 14 de setembro, de estradas de Galicia,
o devandito proxecto de trazado sométese ó trámite de información pública, durante un período de trinta días hábiles a partir da publicación deste anuncio no Diario Oficial de Galicia para que as persoas que o consideren oportuno poidan formular por escrito ante a Dirección Xeral de Obras Públicas as observacións que crean convenientes relativas ás circunstancias que xustifiquen a declaración de interese xeral da estrada e sobre a concepción global do seu trazado.
Así mesmo, durante este período sométese ó trámite de información pública o estudio de impacto ambiental contido no proxecto de trazado segundo o disposto na Lei 1/1995, do 2 de xaneiro, de protección ambiental de Galicia, no Decreto 442/1990, do 13 de setembro, de avaliación de impacto ambiental para Galicia e na Lei 6/2001, do 8 de maio, de modificación do Real decreto lexislativo 1302/1986, do 28 de xuño, de avaliación de impacto ambiental.
Estando a exposición ó público para estes efectos no Servicio Provincial de Estradas de Lugo, na Dirección Xeral de Obras Públicas e no Concello de Abadín.
Santiago de Compostela, 23 de xullo de 2003.
Antonio López Blanco
Subdirector xeral de Estradas