De conformidade co disposto no artigo 59.4º da Lei 30/1992, do 26 de novembro (BOE nº 285, do 27 de novembro) modificada pola Lei 4/1999, do 13 de xaneiro (BOE nº 112, do 14 de xaneiro), de réxime xurídico das administracións públicas e do procedemento administrativo común, notifícaselle ó denunciado, cos datos persoais e último domicilio coñecido que no anexo se mencionan, mediante a publicación no Diario Oficial de Galicia e no taboleiro de edictos do Concello de Vilagarcía de Arousa, a resolución de procedemento administrativo sancionador coa clave que se cita, por presunta infracción da Lei 27/1992, do 24 de novembro (BOE nº 283, do 25 de novembro), de portos do Estado e da mariña mercante, por non ser posible a notificación a través do servicio de correos.
O órgano competente para a resolución do expediente, de acordo coa tipificación e contía da sanción, e, en virtude do disposto no artigo 39.1º b) do Decreto 227/1995, do 20 de xullo (DOG nº 146, do 1 de agosto), polo que se aproba o Regulamento do ente público Portos de Galicia, é o presidente do Consello de Administración.
Contra esta resolución, que pon fin á vía administrativa e é executiva, poderase interpoñer recurso contencioso-administrativo nun prazo de dous meses contados desde o día seguinte ó da publicación desta cédula, perante, a elección do interesado, o xulgado do contencioso-administrativo correspondente á circunscrición onde teña aquel o seu domicilio, ou o Xulgado do Contencioso-Administrativo número un de Santiago de Compostela.
Non obstante, o interesado poderá optar por interpoñer recurso potestativo de reposición perante o presidente do Consello de Administración no prazo dun mes contado desde a mesma data antes sinalada.
O importe desta sanción deberá de facerse efectivo nos prazos que establece o Regulamento xeral de recadación e na conta número 2091-0394-87-3040004217 de Caixa Galicia, empregando o modelo de impreso que se facilitará nos servicios centrais de Portos de Galicia e presentándoo en calquera entidade bancaria, xa que, noutro caso, procederase á súa exacción pola
vía de constrinximento segundo o prescrito no artigo 97 da Lei de réxime xurídico das administracións públicas e do procedemento administrativo común.
Así mesmo, notifícase ó denunciado que por aplicación do disposto no artigo 15 do Real decreto 1398/1993, do 4 de agosto, polo que se aproba o regulamento do procedemento para o exercicio da potestade sancionadora, en relación cos artigos 72 e 136 da Lei de réxime xurídico das administracións públicas e do procedemento administrativo común, para os efectos de evita-lo mantemento das consecuencias da infracción e polas esixencias derivadas dos intereses xerais e particularmente de garanti-los dereitos dos concesionarios ó uso exclusivo e excluínte do que gozan sobre as concesións administrativas, adoptouse a medida provisional consistente na retirada, traslado e depósito da súa embarcación no almacén que Portos de Galicia ten no porto de Tragove.
Para recoller e retira-la súa embarcación deberá de poñerse necesariamente en contacto coas oficinas da Zona Sur de Portos de Galicia sitas na rúa Benito Corbal, 37-3º, 36001 Pontevedra (teléfono: 986 85 38 66).
E para que conste e lles sirva de notificación, e en cumprimento do disposto no artigo 59.4º da Lei de réxime xurídico das administracións públicas e do procedemento administrativo común, expido, asino e selo esta cédula.
Santiago de Compostela, 30 de xullo de 2003.
Carlos Negreira Souto
Presidente do ente público Portos de Galicia
ANEXO
Expediente: Sanc. 32/2003.
Denunciante: Xefatura de Área.
Matrícula: 5ª-VILL-959.
Embarcación: Crisveal.
Denunciado: Severino Diz Seoane.
Último enderezo coñecido: Cervantes, 74, 36600 Vilagarcía de Arousa (Pontevedra).
Feito denunciado: atraque sen autorización e incumprimento de orde de desatraque.
Datas: 6-2-2003, 25-3-2003.
Porto: Beluso (Pontevedra).
Precepto infrinxido: artigo 114.1º a) e b) e 114.2º e) da Lei 27/1992.
Precepto sancio