En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos nel, faise público que no correspondente servicio desta dirección xeral foron depositados a acta de constitución e os estatutos da Asociación de Redeiras da Mariña que ten os seguintes ámbitos:
Territorial: interprovincial (A Coruña e Lugo).
Profesional: poderán pertencer á devandita asociación tódalas redeiras que desenvolvan a súa actividade profesional nos concellos de Ribadeo, Barreiros, Foz, Burela, Cervo, Xove, Viveiro e O Vicedo
na provincia de Lugo e dos concellos de Mañón e de Ortigueira na provincia da Coruña.
Asinan a acta de constitución: Antonia Meitín Solloso, e dez persoas máis.
Santiago de Compostela, 7 de xullo de 2003.
Pilar Cancela Rodríguez
Directora xeral de Relacións Laborais