A Lei 12/1993, de fomento da investigación e desenvolvemento tecnolóxico de Galicia, no seu artigo 1, establece como obxectivo xeral o fomento da investigación científica e a innovación tecnolóxica para promove-lo desenvolvemento económico, social e productivo de Galicia. Como unha ferramenta enca
miñada ó logro deste obxectivo, a citada lei, no seu capítulo II, crea o Plan Galego de Investigación e Desenvolvemento Tecnolóxico. O Consello da Xunta de Galicia na súa reunión do 14 de marzo de 2002 aprobou o Plan Galego de Investigación, Desenvolvemento e Innovación Tecnolóxica (2002-2005), que está integrado por programas xerais, sectoriais e horizontais e que ten como misión fundamental potencia-lo sistema Ciencia-Tecnoloxía-Empresa de Galicia para convertelo nun elemento estratéxico ó servicio do desenvolvemento socioeconómico de Galicia.
Dentro dos programas horizontais figura o programa de Recursos Humanos que ten entre outros obxectivos o de instrumenta-los recursos humanos dedicados a actividades de I+D+I en número como en especialización nas áreas de maior interese.
No ano 2001, por orde da Consellería da Presidencia, Relacións Institucionais e Administración Pública do 20 de abril, aprobábanse as bases que rexerían a convocatoria de bolsas para formación de doutores en grupos de investigación da Comunidade Autónoma de Galicia. Na base 4 da citada convocatoria prevíase que as bolsas que se concedesen cubrirían o período comprendido entre o 1 de outubro de 2001 e o 30 de setembro de 2002 e poderían ser prorrogadas consonte as normas que estableza a correspondente convocatoria por novos períodos dun ano ou fracción ata completar un máximo de 18 meses de prórrogas. As ditas bolsas foron adxudicadas por resolución da Secretaría Xeral de Investigación e Desenvolvemento do 1 de agosto de 2001 (DOG do 10 de agosto) e a primeira prórroga, para o período comprendido entre o 1 de outubro de 2002 e o 30 de setembro de 2003, foron adxudicadas por resolución da Secretaría Xeral de Investigación e Desenvolvemento do 29 de outubro de 2002 (DOG do 5 de
novembro).
De acordo co Decreto 223/2003, do 11 de abril, polo que se establece a estructura orgánica da Consellería de Innovación, Industria e Comercio e se distribúe a competencia para o exercicio da potestade sancionadora, as competencias atribuídas á Secretaría Xeral de Investigación e Desenvolvemento foron asumidas pola Dirección Xeral de Investigación e Desenvolvemento da Consellería de Innovación, Industria e Comercio.
Na sua virtude, e polo que antecede, esta consellería
DISPÓN:
Artigo 1º
Anúnciase a convocatoria da segunda prórroga, por un período de seis meses, das bolsas para a formación de doutores en grupos de investigación da Comunidade Autónoma de Galicia, dirixidas ás persoas que foron adxudicatarias da bolsa por resolución da Secretaría Xeral de Investigación e Desenvolvemento do 29 de outubro de 2002 (DOG do 5 de
novembro), de acordo coas bases que se inclúen como anexo I á presente orde.
Artigo 2º
Para a concesión das axudas convocadas nesta orde a Dirección Xeral de Investigación e Desenvolvemento destinará ata un máximo de 111.180,00 euros (108.600,00 A corresponden ó pagamento das bolsas e 2.580,00 A ó seguro dos bolseiros) con cargo á aplicación orzamentaria 08.05.432A.781.0 dos orzamentos xerais da Comunidade Autónoma para os anos 2003 e 2004, dos que 55.590,00 A corresponden á anualidade de 2003 e 55.590,00 A corresponden á anualidade de 2004.
Artigo 3º
A convocatoria, as súas bases e todos cantos actos administrativos se deriven dela, poderán ser impugnados polos interesados nos casos e na forma establecidos na Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Artigo 4º
Contra as resolucións expresas ou presuntas que poñen fín á vía administrativa, poderán os interesados interpoñer potestativamente recurso de reposición ante o mesmo órgano, no prazo dun mes contado a partir do día seguinte ó da recepción da correspondente notificación no caso de resolucións expresas. No caso de que a resolución se entenda desestimatoria por silencio administrativo, o prazo será de tres meses contados a partir do día seguinte ó que se produza o acto presunto.
De non estima-la presentación deste recurso, poderán os interesados interpoñer recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados a partir do día seguinte ó da recepción da correspondente notificación, se a resolución é expresa. No caso de que a resolución se entenda desestimada por silencio administrativo, o prazo será de seis meses contados a partir do día seguinte ó que se produza o acto presunto.
Artigo 5º
Os beneficiarios das axudas concedidas ó abeiro do disposto nesta orde quedan obrigados en virtude do disposto no artigo 78.6º i) do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia, a facilitar toda a información que lles sexa requirida pola Dirección Xeral de Investigación e Desenvolvemento, pola Dirección Xeral do Centro de Desenvolvemento Sostible así como pola Intervención Xeral da Comunidade Autónoma, o Consello de Contas e o Tribunal de Contas no exercicio das súas funcións de fiscalización e control. Así mesmo en virtude do disposto no artigo 78.9º deste decreto lexislativo, os beneficiarios deberán proceder ó rein
tegro total ou parcial da subvención ou axuda pública percibida, ós xuros de demora devengados desde o momento do seu pagamento no suposto de incumprimento das condicións establecidas para a súa concesión.
Artigo 6º
As resolucións de concesión de axudas dictadas ó abeiro da presente orde poderán modificarse no caso de alteración das condicións que se tiveron en conta para a concesión delas, consonte o disposto no artigo 78.7º do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia.
Disposicións derradeiras
Primeira.-Facúltase o director xeral de Investigación e Desenvolvemento para que dicte as disposicións necesarias para a aplicación do disposto nesta orde.
Segunda.-A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 23 de xullo de 2003.
Juan Rodríguez Yuste
Conselleiro de Innovación, Industria e Comercio
ANEXO I
Segunda prórroga das bolsas para a formación de doutores en grupos de investigación da Comunidade Autónoma de Galicia que teñan proxectos de investigación vixentes.
1. Solicitantes.
Aqueles beneficiarios das bolsas para a formación de doutores en grupos de investigación da Comunidade Autónoma de Galicia, concedidas por Resolución da Secretaría Xeral de Investigación e Desenvolvemento do 29 de outubro de 2002 (DOG do 5 de novembro), que estean a gozar na actualidade da primeira prórroga, poderán solicitar unha nova prórroga por un período de seis meses sempre que aínda non rematasen a súa tese de doutoramento.
2. Solicitudes.
As solicitudes, no modelo oficial RHU-06 (que se publica como anexo II á presente orde), que estará a disposición dos interesados nas dependencias da Dirección Xeral de Investigación e Desenvolvemento, e na Internet nos enderezos:
http://www.xunta.es/conselle/in,
Presentaranse no rexistro xeral da Dirección Xeral de Investigación e Desenvolvemento ou por calquera das formas previstas no artigo 38.4º da Lei 30/1992.
As solicitudes deberán ir, inescusablemente, acompañadas da seguinte documentación:
2.1. Memoria das actividades académicas e investigadoras realizadas durante o período transcorrido en que gozou da primeira prórroga da bolsa e plan de traballo durante a prórroga solicitada. Deberán ir asinados polo bolseiro e co visto e prace do director/es do proxecto de investigación.
2.2. Informe (en papel oficial ou con selo do correspondente centro/departamento), do director/es no que se confirme que as actividades realizadas polo bolseiro durante o período de gozo da bolsa en relación coa adquisición de contidos e destrezas de investigación foron axeitadas.
2.3. Declaración do solicitante de tódalas solicitudes efectuadas ou concedidas, para o mesmo fin, das distintas administracións públicas competentes.
O prazo de presentación de solicitudes será de corenta días hábiles contados a partir do seguinte ó da publicación da presente orde no DOG.
3. Tramitación.
Os servicios administrativos da Dirección Xeral de I+D procederán á revisión das solicitudes comprobando se é correcta a documentación presentada. En caso contrario requirirase o solicitante para que achege a documentación complementaria ou emende os erros detectados no prazo de dez días advertíndolle que de non facelo procederase consonte o establecido no artigo 71 da Lei 30/1992, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
4. Contía da bolsa.
O importe das bolsas incluirá:
4.1. Unha asignación mensual de 905 euros brutos. Esta cantidade poderá incrementarse para o ano 2004 no caso de existir crédito axeitado e suficiente co fin de consegui-la homologación destas bolsas con outras bolsas de ámbito estatal.
4.2. Seguro de asistencia médica e seguro combinado de accidentes, que se imputará á mesma aplicación orzamentaria que as bolsas.
5. Período de gozo.
A duración destas bolsas é de 6 meses comprendidos entre o 1de outubro de 2003 e o 31 de marzo de 2004.
6. Comisión de selección e resolución.
A selección de candidatos será efectuada pola Comisión de Selección de Investigación creada polo Decreto 37/1998, do 30 de xaneiro.
A comisión valorará os documentos citados nos puntos 2.1 e 2.2 do presente anexo; para obte-la prórroga será necesario que a valoración dos ditos documentos sexa favorable.
A comisión de selección elevará a proposta ó conselleiro de Innovación, Industria e Comercio para que resolva.
7. Aceptación da bolsa e pagamento.
7.1. A aceptación da bolsa farase mediante documento asinado polo bolseiro, no que se comprometa a cumprir tódalas condicións recollidas nas presentes bases.
7.2. As bolsas aboaranse mensualmente logo da presentación polo bolseiro dun informe que resuma o traballo realizado no dito período. O pagamento do último mes farase despois de que o bolseiro presente:
-O informe final que resuma a totalidade do traballo realizado co visto e prace do director do traballo.
-Declaración complementaria do conxunto das axudas solicitadas para o mesmo fin, tanto as aprobadas ou concedidas, como as pendentes de resolución, das distintas administracións públicas competentes ou de calquera dos seus organismos, entes ou sociedades.
8. Condicións de gozo.
Estas bolsas son incompatibles coa realización dun traballo remunerado ou o gozo doutro tipo de bolsas ou axudas financiadas con fondos públicos ou privados, salvo co gozo daquelas bolsas que se convocan para cubrir algunha das accións formativas que o solicitante vai realizar segundo o seu proxecto (asistencia a reunións, congresos, seminarios e cursos de especialización ou estadías noutros centros para aprender ou intercambiar técnicas de investigación) así como cos contratos derivados do artigo 11.2º da Lei de fomento e coordinación xeral da investigación científica e técnica (Lei 13/1986, do 14 de abril) ou da Lei de fomento de investigación e desenvolvemento tecnolóxico de Galicia (Lei 12/1993, do 6 de agosto).
A Dirección Xeral de Investigación e Desenvolvemento poderá conceder, só en casos excepcionais, interrupcións no aproveitamento da bolsa por petición razoada do interesado, logo de informe do seu director de tese.
As interrupcións non poderán ser nunca superiores a 6 meses ó longo da duración da bolsa e as posibles renovacións e non darán lugar en ningún caso á posibilidade de recupera-lo período interrompido.
Así mesmo no caso de maternidade poderá concederse, logo de petición, unha interrupción de ata un máximo de 4 meses, reducíndose a contía da bolsa, no dito período a un 75%.
No momento en que algún dos beneficiarios destas bolsas realice a lectura da súa tese de doutoramento deberá comunicalo á Dirección Xeral de Investigación e Desenvolvemento; se o escrito vén acompañado dun informe do director da tese dando conta de que o doutorando participa noutras tarefas de investigación do grupo poderase, por parte da Dirección Xeral de Investigación e Desenvolvemento, autoriza-la continuación do gozo da bolsa ata o remate do período para o que se lle concedeu.
9. Obrigas dos bolseiros. Seguimento da axuda.
Os bolseiros estarán obrigados a cumprir con aproveitamento as distintas etapas do proxecto de investigación, debendo axustarse ás normas propias do departamento ou centro de investigación onde aquel se realice, con adicación exclusiva a súa función.
Os bolseiros adscritos á universidade poderán adicar ata un máximo de 20 horas durante o curso académico á colaboración en actividades docentes con fins formativos, limitadas a ensinanzas prácticas ou suplencias non superiores neste caso a 3 horas, logo de conformidade entre o director do traballo e o departamento implicado. Esta colaboración non suporá, en ningún caso, a asunción polo bolseiro das responsabilidades que corresponden ó profesorado. A concesión e gozo dunha bolsa non establece relación contractual ou estatutaria co centro ó que quede adscrito o beneficiario, nin implica por parte do organismo receptor ningún compromiso en canto á posterior incorporación do interesado ó cadro de persoal deste.
Os bolseiros están obrigados a residir na Comunidade Autónoma salvo durante os períodos de formación ós que expresamente se autoricen.
O bolseiro está obrigado a notificar á Dirección Xeral de Investigación e Desenvolvemento a data de defensa da súa tese e a cualificación obtida. No suposto de que non realice a defensa da tese deberá notificalo igualmente á Dirección Xeral de Investigación e Desenvolvemento indicando as causas que motivaron a dita circunstancia.
O incumprimento por parte do bolseiro dalgunha das condicións recollidas nas presentes bases supoñerá a perda da bolsa concedida e, de se-lo caso, o reintegro das cantidades cobradas consonte o establecido no artigo 78 do Decreto lexislativo 1/1999, do 7 de outubro, polo que se aproba o texto refundido da Lei de réxime financeiro e orzamentario de Galicia.
10. Incidencias.
A Dirección Xeral de Investigación e Desenvolvemento e a Dirección Xeral do Centro de Información e Tecnoloxía Ambiental resolverán tódalas dúbidas e incidencias que se poidan presentar na aplicación desta convocatoria.
