De conformidade e co disposto no artigo 28 do Real decreto 1732/1994, do 29 de xullo, sobre provisión de postos de traballo reservados a funcionarios/as de Administración local con habilitación de carácter nacional e no exercicio da competencia atribuída polo artigo 13 bis da Lei 4/1988, do 26 de maio, da función pública de Galicia, e a Orde do 12 de febreiro de 2003 sobre delegación de competencias, esta secretaría xeral
DISPON:
Publica-las bases da convocatoria para a provisión, polo sistema de libre designación, entre funcionarios/as de Administración local con habilitación de carácter nacional, do posto de tesoureiro/a da Deputación Provincial de Ourense que se acompañan coa presente resolución.
Santiago de Compostela, 15 de xullo de 2003.
P.D. (Orde 12-2-2003)
Manuel E. Martínez Oubiña
Secretario xeral da Consellería de Xustiza, Interior e Administración Local
Corporación: Deputación Provincial de Ourense.
Obxecto: as presente bases teñen por obxecto rexe-la convocatoria, que vai ser efectuada pola Presidencia, para cubrir, polo sistema previsto no artigo 99.2º da Lei 7/1985, do 2 de abril, reguladora das bases de réxime local, segundo a redacción dada pola Lei 10/1993 (BOE 22 de abril), o seguinte posto reservado a funcionarios/as de Administración local con habilitación de carácter nacional.
Denominación do posto: tesoureiro.
Corpo ou escala: Intervención-Tesourería.
Características do posto:º.
a) A praza para cubrir está incluída no cadro de persoal desta deputación.
b) O complemento de destino asignado á praza é o correspondente ó nivel 30 e o seu sistema de provisión o de libre designación.
c) O complemento específico anual fixado para este posto é de 23.125,62 euros.
Requisitos.
a) Será requisito indispensable para concorrer á convocatoria e poder desempeñar o posto, no caso de ser nomeado, estar integrado na subescala de
intervención-tesourería, na categoría superior ou de entrada, de conformidade co disposto no artigo 28 do Real decreto 1174/1987.
b) Isto, non obstante, en atención ó prescrito pola disposición transitoria primeira, número 2.a) do Real decreto 1174/1987; tamén poderá concorrer ó posto de tesoureiro, os depositarios pertencentes ós corpos e escalas extinguidas, non integrados en habilitación nacional.
Convocatoria.
a) A convocatoria será remitida pola Presidencia, ó órgano competente da Xunta de Galicia para a súa publicación no Diario Oficial de Galicia, e remisión á Dirección Xeral da Función Pública do MAP, para a súa publicación no Boletín Oficial del Estado, conforme o artigo 28 do Real decreto 1732/1994.
Solicitudes.
a) As solicitudes dirixiranse á Presidencia, dentro dos 15 días naturais seguintes ó da publicación da convocatoria no Boletín Oficial del Estado.
b) Ademais do contido mínimo previsto no artigo 70.1º da Lei 30/1992, de réxime xurídico das administracións públicas e do procedemento administrativo común, na solicitude deberá indicarse o número de rexistro persoal, a situación administrativa na que se atopa o solicitante e o seu destino.
c) Xunto coas solicitudes, os aspirantes acompañarán o seu currículum vitae, no que constarán os títulos académicos, os anos de servicio, os postos de traballo desempeñados na Administración, os estudios e cursos realizados, outros méritos que estimen oportuno poñer de manifesto e a súa acreditación documental.
d) Acompañaranse, así mesmo, os xustificantes documentais dos títulos ou diplomas que os aspirantes posúan, se é o caso, relativos ó coñecemento da lingua galega.
Nomeamento.
a) Finalizado o prazo de presentación de solicitudes, a Presidencia procederá, logo de constatación da concorrencia dos requisitos esixidos nestas bases, que se vai dictar a resolución correspondente, na forma e cos requisitos previstos no artigo 28.3º do Real decreto 1732/1994.
b) Da resolución darase conta ó Pleno da Corporación e trasladarase ó órgano competente da Xunta de Galicia e á Dirección de Administración local, para os efectos oportunos.
Toma de posesión: os prazos para a toma de posesión serán os mesmos que os establecidos para os funcionarios con habilitación nacional nomeados en virtude do procedemento de concurso.
Impugnación: a presente convocatoria e cantos actos administrativos se deriven dela, poderán ser impugnados polos interesados nos casos e na forma establecida pola Lei de procedemento administrativo común.
XUVENTUDE, DEPORTE
E VOLUNTARIADOCONSELLERÍA DE FAMILIA,