Resolución do 16 de xuño de 2003 pola que se realiza a publicidade do Acordo do 5 de maio de 2003, da Dirección Xeral de Calidade e Avaliación Ambiental, no que se formula a declaración de impacto ambiental do proxecto de explotación porcina, promovido polo Bispado de Ourense.

Visto o artigo 4.7º do Decreto 442/1990, do 13 de setembro (DOG nº 188, do 25 de setembro), de

avaliación ambiental para Galicia, a alcaldesa do Concello de Sandiás

RESOLVE:

Darlle publicidade, mediante a presente publicación, ó Acordo do 5 de maio de 2003, da Dirección Xeral de Calidade e Avaliación Ambiental, polo que se formula a declaración de impacto ambiental do proxecto de explotación porcina, situada no concello de Sandiás (Ourense), promovido polo Bispado de Ourense.

A mencionada declaración refírese a unha explotación para o cebo de cochos, cunha capacidade de 5.250 animais. A superficie construída total será de 5.523 m. Proxéctase a construcción de tres naves de 12,60x82,48 metros. Os anexos serán unhas oficinas, aseos, fosas de cadáveres e fosa de xurros, encontrándose á disposición de calquera interesado nas oficinas municipais do concello.

Sandiás, 27 de xuño de 2003.

Mª Concepción Méndez Gándara

Alcaldesa