De conformidade coa proposta da comisión designada para xulga-lo concurso que convocou esta universidade por Resolución do 13 de novembro de 2001 (BOE do 27 de novembro), para a provisión da praza número 01/089 de catedrático de universidade da área de coñecemento de dereito financeiro e tributario, do departamento de Dereito Público desta universidade, a favor de Miguel Ángel Caamaño Anido, e unha vez que o interesado acreditase os requisitos ós que alude o número 2º do artigo 5 do Real decreto 1888/1984, do 26 de setembro,

Este rectorado, no uso das atribucións que lle confire o artigo 20 da Lei 6/2001, do 21 de decembro, de universidades e demais disposicións que a desenvolven, resolveu nomear a Miguel Ángel Caamaño Anido, catedrático de universidade da área de coñecemento de dereito financeiro e tributario, do departamento de Dereito Público desta universidade.

A Coruña, 4 de xullo de 2003.

José Luis Meilán Gil

Rector da Universidade da Coruña