A Orde de 11 de xuño de 2003 pola que se convocan prazas para residencia de educadores en centros de atención a menores dependentes da Consellería de Familia, Xuventude e Voluntariado, (DOG nº 121, do 24 de xuño) establece no seu artigo 1º a convocatoria para a cobertura de 33 prazas para residencia de educadores en prácticas para o curso escolar 2003-2004 nos centros de internado de menores dependentes da Consellería de Familia, Xuventude e Voluntariado agora Consellería de Familia, Xuventude, Deporte e Voluntariado de conformidade co Decreto 280/2003, do 17 de xuño, segundo o número e distribución que figura no anexo II da dita orde.
Nestes intres faise necesario engadir un centro de menores máis no anexo II e polo tanto incrementa-lo número de prazas de residencia convocadas, o que implica ademais un cambio no crédito reflictido no parágrafo cuarto da parte expositiva,
polo que neste sentido cumpre modifica-la referida Orde de 11 de xuño de 2003.
Por todo o exposto, e no uso das facultades que me foron conferidas
DISPOÑO:
Artigo 1º
Modifica-lo importe establecido como crédito destinado a este fin no parágrafo cuarto da parte expositiva que de xeito queda redactado como segue:
«Para este fin destínase un crédito de 53.550 A con cargo á aplicación orzamentaria 14.02.212B.228, que figura cunha dotación económica de 6.026.567 A nos estados de gastos do orzamento para o ano 2003 establecidos na Lei 6/2002, do 27 de decembro, de orzamentos xerais da Comunidade Autónoma de Galicia (DOG nº 251, do 30 de decembro)».
Artigo 2º
Modifícase o artigo 1º da Orde de 11 de xuño de 2003 pola que se convocan prazas para residencia de educadores en centros de atención a menores dependentes da Consellería de Familia, Xuventude e Voluntariado, (DOG nº 121, do 24 de xuño), e en consecuencia tamén o anexo II da dita orde, de xeito que queda redactado como segue:
«Artigo 1º
Convoca-la cobertura de 35 prazas para residencia de educadores en prácticas para o curso escolar
2003-2004 nos centros de internado de menores dependentes da Consellería de Familia, Xuventude, Deporte e Voluntariado, segundo o número e distribución que figura no anexo II desta orde».
Artigo 3º.-Prazo de presentación de solicitudes.
O prazo de presentación de solicitudes establecido no último parágrafo do artigo 3º da devandita orde contará a partir do día seguinte á publicación da presente orde no Diario Oficial de Galicia.
Disposición derradeira
Única.-A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 10 de xullo de 2003.
Pilar Rojo Noguera
Conselleira de Familia, Xuventude,
Deporte e Voluntariado
ANEXO II
Relación de centros e prazas de educadores
en prácticas
prazas
Provincia Centro Localidade Nº
A Coruña Centro Virxe do Carme Ferrol 3
A Coruña Colexio San José de Calasanz A Coruña 3
A Coruña Residencia de estudio Soutomaior Ferrol 4
A Coruña Centro de menores Xoán Vicente Viqueira Santiago de C. 2
Lugo Centro educativo Santo Anxo da Garda Rábade 2
Lugo Centro educativo Virxe dos Ollos Grandes Lugo 2
Ourense Centro educativo Montealegre Ourense 3
Ourense Residencia de estudios A Carballeira Ourense 8
Pontevedra Centro especial Avelino Montero Pontevedra 4
Pontevedra Centro de menores de Marín Marín 1
Pontevedra Centro Fogar San Paio Vigo 3
Total de prazas: 35