De conformidade coa proposta da comisión designada para xulga-lo concurso que convocou esta universidade por Resolución do 13 de novembro de 2001 (BOE do 27 de novembro), para a provisión da praza número 01/084 de catedrático de universidade da área de coñecemento de ecoloxía, do departamento de Bioloxía Animal, Bioloxía Vexetal e Ecoloxía desta universidade, a favor de Rodolfo Barreiro Lozano, e unha vez que o interesado acreditara os requisitos ós que alude o punto 2 do artigo 5º do Real decreto 1888/1984, do 26 de setembro,

Este rectorado, no uso das atribucións que lle confire o artigo 20 da Lei 6/2001, do 21 de decembro, de universidades e demais disposicións que a desenvolven, resolveu nomear a Rodolfo Barreiro Lozano, catedrático de universidade da área de coñecemento de ecoloxía, do departamento de Bioloxía Animal, Bioloxía Vexetal e Ecoloxía desta universidade.

A Coruña, 30 de xuño de 2003.

José Luis Meilán Gil

Rector da Universidade da Coruña