Presentada renuncia por Rafael Aguirrebengoa Esnaola, vocal titular en representación das organizacións sindicais do tribunal encargado de cualifica-lo proceso selectivo para o ingreso no corpo auxiliar da Xunta de Galicia (grupo D), nomeado pola Orde do 3 de marzo de 2003 (DOG nº 49, do 11 de marzo), esta consellería, de conformidade co establecido na base III.4 da orde de convocatoria do referido proceso selectivo
DISPÓN:
Primeiro.-Acepta-la renuncia de Rafael Aguirrebengoa Esnaola, como vocal titular en representación das organizacións sindicais do tribunal encargado de cualifica-lo proceso selectivo para o ingreso no corpo auxiliar da Xunta de Galicia (grupo D).
Segundo.-Así mesmo, esta consellería dispón o nomeamento de Alexandre Prieto Giráldez, como vocal titular en representación das organizacións sindicais do tribunal encargado de cualifica-lo proceso selectivo para o ingreso no corpo auxiliar da Xunta de Galicia (grupo D).
Santiago de Compostela, 15 de xullo de 2003.
Jaime Pita Varela
Conselleiro da Presidencia, Relacións
Institucionais e Administración Pública