Publicada a Resolución do 2 de xullo de 2003, do tribunal designado para cualifica-lo proceso selectivo para o acceso ó corpo facultativo superior da Xunta de Galicia (grupo A), escala de biólogos, (Diario Oficial de Galicia nº 131, do 8 de xullo) e remitida pola Dirección Xeral da Función Pública a proposta de aspirantes que superaron o citado proceso, esta consellería

DISPÓN:

Primeiro.-Elevar a definitiva a proposta de aspirantes que superaron o proceso selectivo para o ingreso no corpo facultativo superior da Xunta de Galicia (grupo A), escala de biólogos, convocado pola Orde de 20 de decembro de 2002 (Diario Oficial de Galicia nº 250, do 27 de decembro), que se publica como anexo a esta orde.

Segundo.-Os aspirantes que constan no devandito anexo deberán remitir, no prazo de vinte días natu

rais contados a partir do seguinte ó da publicación desta orde no Diario Oficial de Galicia, á Dirección Xeral da Función Pública da Consellería da Presidencia, Relacións Institucionais e Administración Pública, os documentos a que se refire a base IV da orde de convocatoria.

Terceiro.-Contra esta orde, que pon fin á vía administrativa, poderase interpoñer, con carácter potestativo, recurso de reposición perante o conselleiro da Presidencia, Relacións Institucionais e Administración Pública, no prazo dun mes contado desde o día seguinte ó da publicación desta orde no Diario Oficial de Galicia, de conformidade co establecido na Lei 30/1992, do 26 de novembro, ou directamente recurso contencioso-administrativo no prazo de dous meses contados desde o día seguinte ó da súa publicación, perante a sala do contencioso-administrativo do Tribunal Superior de Xustiza de Galicia, segundo os artigos 8.2º e 10.1º da Lei 29/1998, do 13 de xullo.

Santiago de Compostela, 10 de xullo de 2003.

Jaime Pita Varela

Conselleiro da Presidencia, Relacións

Institucionais e Administración Pública

ANEXO

Relación definitiva de aspirantes que superaron o proceso selectivo para o ingreso no corpo facultativo superior da Xunta de Galicia, escala de biólogos