En cumprimento do disposto no artigo 48.2º da Lei 1/1997, do 24 de marzo, do solo de Galicia, en relación co establecido na disposición transitoria terceira da Lei 9/2002, do 30 de decembro, de ordenación urbanística e protección do medio rural de Galicia, faise público que o Pleno do Concello de Entrimo, na sesión extraordinaria e urxente celebrada o día 30 de xuño de 2003, acordou por unanimidade dos seus membros aprobar definitivamente o proxecto de ordenación do medio rural do Concello de Entrimo.
Recursos: contra este acordo, que pon fin á vía administrativa, cabe interpor recurso contencioso-administrativo perante a Sala do Contencioso-Ad
ministrativo do Tribunal Superior de Xustiza de Galicia, no prazo de dous meses contados a partir do día seguinte ó da publicación da norma xeral no BOP e o extracto no DOG, segundo o disposto no artigo 46.1º da Lei 29/1998, do 13 de xullo, reguladora da xurisdicción contencioso-administrativa, e sen prexuízo de que os interesados poidan interpor calquera outro recurso que coiden oportuno.
Entrimo, 7 de xullo de 2003.
Ramón Alonso López
Alcalde-presidente