Examinado o expediente instruído a pedimento da empresa Endesa Distribución Eléctrica, S.L., con domicilio para efectos de notificacións en Paseo de
la Castellana, 95, 9ª planta-Torre Europa, 28046 Madrid, resultan os seguintes antecedentes de feito:
Primeiro.-Con data 28 de febreiro de 2002 a citada empresa solicita a autorización administrativa e aprobación do proxecto de execución da citada instalación; presentando o preceptivo proxecto de instalacións a que fan referencia os artigos 122 e 123 do Real decreto 1955/2000, do 1 de decembro, polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica.
As características técnicas básicas da instalación son as seguintes:
* Cinco seccionadores trifásicos de liña con posta a terra, de by pass, de illamentos e dos motorizados de barras I e II, de 2.000 A.
* Interruptor automático de 145 kV e 3.150 A.
* Catro transformadores de intensidade.
* Aparellaxe para protección, sinalización, telemando e medida.
A ampliación sitúase no lugar de Tesouro, no termo municipal das Pontes de García Rodríguez (A Coruña).
Segundo.-A Delegación Provincial da Consellería de Innovación, Industria e Comercio da Coruña someteu o citado proxecto de instalacións, a trámite de información pública mediante Resolución do 13 de marzo de 2003, publicada no DOG do 31 de marzo, no BOP da Coruña do 9 de abril e na Delegación Provincial de Industria da Coruña.
Terceiro.-Durante o período en que se someteu a trámite de información pública non se presentaron alegacións.
Cuarto.-A solicitude obxecto deste expediente recibiu informe favorable da Delegación Provincial de Industria da Coruña.
Fundamentos de dereito.
Primeiro.-A Dirección Xeral de Industria, Enerxía e Minas é a competente para resolver este expediente con fundamento no Estatuto de autonomía de Galicia, o Real decreto 2563/1982, do 24 de xullo, o Decreto 132/1982, do 4 de novembro, o Decreto 8/2003, do 18 de xaneiro, e o Decreto 223/2003, do 11 de abril, polo que se establece a estructura orgánica da Consellería de Innovación, Industria e Comercio, en relación co Real decreto 1955/2000, do 1 de decembro, e a Lei 54/1997, do 27 de novembro, xa citados.
Segundo.-O proxecto cumpre o disposto no Decreto 3151/1968, do 28 de novembro, polo que se aproba o Regulamento de liñas eléctricas de alta tensión e, en concreto, nos seus artigos 5 e 6.
Terceiro.-No expediente instruído para o efecto cumpríronse os trámites regulamentarios.
Esta dirección xeral, de acordo co que antecede e no exercicio das competencias que ten atribuídas,
RESOLVE:
1. Autorizar a ampliación posición de liña 132 kV Pena da Loba na subestación Tesouro no termo municipal das Pontes de García Rodríguez (A Coruña).
2. Aproba-lo proxecto de execución da instalación eléctrica que se cita.
Contra esta resolución, que non é definitiva en vía administrativa, cabe interpoñer recurso de alzada ante o conselleiro de Innovación, Industria e Comer
cio no prazo dun mes contado a partir do día seguinte ó da notificación desta resolución, sen prexuízo de que os interesados poidan interpoñer calquera outro recurso que estimen pertinente.
Santiago de Compostela, 2 de xullo de 2003.
Ramón Ordás Badía
Director xeral de Industria, Enerxía e Minas