De acordo co establecido no artigo 70 da Lei 7/1985, do 2 de abril, en relación co sinalado nos artigos 92 e concordantes da Lei 9/2002, do 30 de decembro, de ordenación urbanística e protección do medio rural de Galicia, procede publica-lo acordo do Concello Pleno do 28 de marzo de 2003, que a seguir se transcribe na súa parte dispositiva:

«Primeiro.-Aproba-lo cambio de uso dos terreos situados ó carón da vivenda comunitaria, na esquina da rúa Candil e rúa Evaristo Martelo (que se identifican perimetralmente no plano con referencia e incorporado ó expediente, no que figura en cor amarela), cualificados nas normas urbanísticas deste concello como zona de equipamento comunitario (EO-ER), segundo acordo de aprobación definitiva da modificación puntual das normas, adoptado polo Pleno do Concello na sesión que tivo lugar na data do vintecinco de xaneiro de mil novecentos noventa e sete, e que foi publicado no BOP nº 62, de data 17 de marzo de 1997, para que pasen, por este acordo, a formaren parte do conxunto de zonas verdes e espacios libres públicos, na modalidade, recollida no noso planeamento de sistema xeral de xardíns, ordenanza VJ.

Segundo.-Xa que logo, concrétase, e así se declara, que os terreos situados no perímetro identificado no parágrafo anterior se destinen a un uso dotacional público como espacio libre público de zona verde, na modalidade recollida no noso planeamento de sistema xeral de xardíns, ordenanza VJ.

Terceiro.-Que se lle dea publicidade a este acordo, mediante a inserción dun anuncio que se publicará no DOG e BOP».

O que se fai público para xeral coñecemento.

Vimianzo, 13 de xuño de 2003.

Alejandro Rodríguez Lema

Alcalde