De conformidade coa proposta da comisión designada para xulga-lo concurso que convocou esta universidade por Resolución do 13 de novembro de 2001 (BOE do 27de novembro), para a provisión da praza número 01/166 de catedrática de escola universitaria da área de coñecemento de construccións navais, do departamento de Construccións Navais desta universidade, a favor de María Mercedes del Coro Fernández Feal, e unha vez que a interesada acreditara os requisitos ós que alude o punto 2º do artigo 5 do Real decreto 1888/1984, do 26 de setembro,

Este rectorado, no uso das atribucións que lle confire o artigo 20 da Lei 6/2001, do 21 de decembro, de universidades e demais disposicións que a desenvolven, resolveu nomear a María Mercedes del Coro Fernández Feal, catedrática de escola universitaria da área de coñecemento de construccións navais, do departamento de Construccións Navais desta universidade.

A Coruña, 23 de xuño de 2003.

José Luis Meilán Gil

Rector da Universidade da Coruña