Aprobados polo pleno en sesión do 22-5-2003 os pregos de condicións económico-administrativas particulares que rexerán o concurso con intervención

de xurado para a selección do anteproxecto da nova Casa do Concello, exponse ó público por 8 hábiles seguintes á publicación do correspondente anuncio no último dos boletíns oficiais no que apareza (DOG ou BOP).

Simultáneamente anúnciase o concurso.

1. Entidade adxudicadora: Concello de Mos.

2. Obxecto do contrato: anteproxecto da nova Casa do Concello de Mos.

3. Tramitación: ordinaria. Procedemento: aberto. Forma: concurso.

4. Obtención de información e documentación: Concello de Mos. Reguengo nº 1 Petelos. 36416-Mos, Pontevedra. Teléfono: 986 33 12 00, telefax: 986 33 66 18.

5. Presentación de proposicións:

a) Prazo e lugar: no Concello de Mos, durante os 25 días naturais desde o seguinte ó de publicación do presente anuncio no último dos boletíns no que apareza (DOG ou BOP). De 8.00 a 14.00 horas de luns a venres, de 9.30 a 13.00 horas os sábados, no rexistro xeral do concello ou da forma sinalada na cláusula 10 do prego de condicións.

b) Documentación necesaria: as proposicións constarán de:

-Un sobre opaco, único documento que pode revela-la identidade do concursante, que sinalizará no seu exterior o lema de identificación do concursante e expresará a inscrición Datos identificativos do autor. Concurso de ideas con intervención de xurado para a selección do anteproxecto da nova Casa do Concello de Mos.

-O paquete ou paquetes que sexan necesarios coa documentación técnica que especifica no propio artigo 10 dos pregos, e no que soamente se expresará documentación técnica para o concurso de ideas con intervención de xurado para a selección do anteproxecto da nova Casa do Concello de Mos.

6. Apertura das ofertas: o xurado constituirase no prazo de 14 días naturais posteriores a aquel en que finalice o prazo de presentación dos traballos.

7. Criterios de adxudicación.

-Viabilidade técnica.

-Especialmente, contido funcional. Baixo un punto de vista práctico, o novo consistorio deberá satisface-los requirimentos de óptima funcionalidade, flexibilidade, iluminación, acústica e accesibilidade, que derivan da súa dobre condición de edificio de uso público e de centro de traballo administrativo.

-Especialmente, zonas destinadas ó acollemento de público, principalmente o que acuda en demanda de información, presentación de documentación e, en xeral, motivado polas súas necesarias relacións administrativas co concello.

-Aproveitamento da luz e do espacio.

-Tratamento do medio, etc.

-Economía no mantemento e uso de enerxías alternativas.

-Grado de utilización de criterios de innovación tecnolóxica e funcionalidade.

-Nivel de presentación formal.

-Custo (axustado ó orzamento).

-Outros aspectos que o xurado poida considerar relevantes.

-Especialmente, contido estético e solución final adoptada, en un ou varios corpos, buscando unha combinación da interpretación actual e moderna coa imaxe tradicional da casa do concello como representación máxima dos municipios.

-Tamén se valorarán localizacións propostas no propio municipio, considerando neste senso, as comunicacións e accesibilidade do lugar proposto para os veciños, a relación con outros servicios municipais e sedes de organismos oficiais, a súa posible centralidade partindo da previsible expansión urbanística.

8. Gastos de anuncios: a cargo do adxudicatario.

Mos, 30 de maio de 2003.

Ramón Alonso Fernández

Alcalde