A Dirección Xerencia do Complexo Hospitalario Xeral-Calde de Lugo, en virtude das atribucións que lle foron delegadas conforme o establecido na letra j) do artigo 6 da Orde do 14 de marzo de 2002, sobre delegación de competencias en órganos centrais e periféricos do Servicio Galego de Saúde, convoca expediente de contratación polo procedemento aberto e tramitación ordinaria, mediante concurso, do servicio de transporte de materiais, mostras e documentación, entre os diversos centros do Complexo Hospitalario Xeral-Calde de Lugo e outros centros.
1. Obxecto e orzamento.
Lote nº 1. Transporte de roupa, por un orzamento máximo de 37.560 A (IVE incluído). Lote nº 2. Transporte urbano, por un orzamento máximo de 15.480 A (IVE incluído). Lote nº 3. Transporte urbano urxente, por un orzamento máximo de 9.000 A (IVE incluído). Lote nº 4. Transporte urxente dentro da Comunidade Autónoma, por un orzamento máximo de 10.800 A (IVE incluído).
2. Prazo de execución.
Inmediata desde a data de formalización do contrato.
3. Documentos de interese para os licitadores.
O prego de cláusulas administrativas particulares e demais documentación complementaria pode ser solicitada no Servicio de Subministracións do Complexo Hospitalario Xeral-Calde de Lugo, rúa Doutor Severo Ochoa s/n, 27004 Lugo. Tfno. 982 29 61 40 e fax 982 24 24 05.
4. Fianzas.
Os adxudicatarios deberán consignar unha fianza definitiva do 4% do importe de adxudicación. Esta constituirase segundo o disposto no artigo 36 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
5. Solvencia económica e financeira.
Acreditarase por un ou varios dos medios establecidos no artigo 16 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
6. Solvencia técnica.
Acreditarase por un ou varios dos medios establecidos no artigo 18 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
7. Clasificación.
Non se precisa.
8. Criterios de adxudicación.
-Organización do servicio, medios materiais e humanos, ata 40 puntos.
-Oferta económica, ata 40 puntos.
-Experiencia no sector, ata 20 puntos.
9. Admisión de variantes.
Non se admiten variantes.
10. Presentación de proposicións.
As proposicións deberanse presentar en man, en sobres pechados e asinados polo licitador ou persoa que o represente, no rexistro do Complexo Hospitalario Xeral-Calde de Lugo antes das 14.00 horas do décimo quinto día natural contado a partir do seguinte ó da publicación no DOG. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle o Complexo Hospitalario Xeral-Calde de Lugo a remisión da oferta mediante fax ou telegrama no mesmo día.
11. Apertura de proposicións.
A apertura das proposicións admitidas será realizada pola mesa de contratación, reunida en acto público na Sala de Xuntas do Complexo Hospitalario Xeral-Calde de Lugo ás 10.00 horas do décimo primeiro día natural contado a partir do seguinte a aquel no que finalice o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.
12. Documentación que deberán achega-los licitadores.
Os documentos que figuran no prego de cláusulas administrativas particulares.
13. Anuncios.
Os anuncios deste concurso público serán por conta dos adxudicatarios do contrato.
Lugo, 5 de xuño de 2003.
Ramón Ares Rico
Director xerente do Complexo Hospitalario
Xeral-Calde de Lugo