De conformidade coa proposta da comisión designada para xulga-lo concurso que convocou esta universidade por Resolución do 13 de novembro de 2001 (BOE do 27 de novembro), para a provisión da praza número 01/157 de profesor titular de universidade da área de coñecemento de filoloxía galega e portuguesa, do departamento de Galego-Portugués, Francés e Lingüística desta universidade, a favor de Xosé Manuel Sánchez Rey, e unha vez que o interesado acreditara os requisitos ós que alude o punto 2º do artigo 5 do Real decreto 1888/1984, do 26 de setembro,
Este rectorado, no uso das atribucións que lle confire o artigo 20 da Lei 6/2001, do 21 de decembro, de universidades e demais disposicións que a desenvolven, resolveu nomear a Xosé Manuel Sánchez Rey, profesor titular de universidade da área de coñecemento de filoloxía galega e portuguesa do departamento de Galego-Portugués, Francés e Lingüística desta universidade.
A Coruña, 25 de xuño de 2003.
José Luis Meilán Gil
Rector da Universidade da Coruña