Por decreto da alcaldía do 5 de xuño de 2003, préstase aprobación ó prego de cláusulas administrativas que rexerán o procedemento para contratación das obras que se indican, o cal se expón ó público por prazo de oito días hábiles, contados a partir do seguinte ó da publicación deste anuncio no BOP e no DOG, computándose para efectos de prazos a última publicación de ambas, para que poidan presentarse reclamacións por quen se considere interesado.

Simultaneamente anúnciase o concurso, se ben a licitación se aprazará canto resulte necesario de presentarse reclamacións ó prego.

1. Entidade adxudicadora: Concello de Toén, r/ Ribadela, 1, 32930 Toén (Ourense).

2. Obxecto do contrato: obras de abastecemento e saneamento en Feá e Alongos, conforme o prego de cláusulas administrativas e proxecto técnico redactado polo enxeñeiro de camiños Manuel Durán Fuentes, e aprobado pola Alcaldía con data 8 de maio de 2003.

Prazo de execución: tres meses.

3. Tramitación: urxente. Procedemento: aberto. Forma: concurso.

4. Tipo de licitación: 99.988 A, IVE e demais tributos incluídos.

5. Garantías:

Provisional: non se esixe.

Definitiva: 4% do tipo de licitación.

6. Obtención de información e documentación: na Secretaría do Concello de Toén, r/ Ribadela, 1, 32930 Toén (Ourense). Telf. 988 26 10 74/fax 988 26 12 72.

7. Requisitos xerais do contratista: sinalados no prego de condicións administrativas.

Clasificación: non se esixe.

8. Presentación de proposicións:

a) Prazo e lugar: no rexistro xeral do Concello de Toén, durante os trece días naturais, desde o seguinte ó da publicación do presente anuncio no último dos boletíns en que apareza (BOP ou DOG) de 9.00 a 14.00 horas de luns a venres. Atópase o proxecto técnico na Copistería Copyplaza, S.L., situada na Praza Maior de Ourense, nº 8, así como o prego de condicións que rexerán a contratación para efectos de obtención de copias.

b) Documentación que hai que presentar: proposición para tomar parte na licitación para a contratación das obras de abastecemento e saneamento en Feá e Alongos, nº 235, do P.O.L. 2003, polo procedemento aberto mediante concurso, convocado polo Concello de Toén.

Constarán de dous sobres cerrados A e B, nos que conterán a documentación sinalada na cláusula XVIII do prego de condicións administrativas particulares, denominados:

Sobre A) Documentación acreditativa da personalidade e características do contratista e garantía depositada.

Sobre B) Oferta económica e criterios diferentes ó do prezo.

9. Apertura de plicas: ás trece horas do terceiro día hábil seguinte ó de finalización do prazo de presentación de proposicións, considerándose para este caso inhábil o sábado.

10. Gastos de anuncios: por conta do adxudicatario.

Toén, 11 de xuño de 2003.

José Puga Suárez

Alcalde