Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Financiera Maderera, S.A. (Finsa).

Domicilio social: Formarís, s/n, Santiago de Compostela.

Denominación: ampliación de potencia subestación de Padrón.

Situación: Padrón.

Descricións técnicas: ampliación de potencia da subestación, tipo intemperie, de 25 MVA con relación de transformación 66/6 kV e modificación da aparellaxe de protección e manobra. Padrón.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, do Real decreto 1955/2000, do 1

de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

A Coruña, 22 de maio de 2003.

Jesús Espada Martínez

Delegado provincial da Coruña