Visto o expediente para outorgamento de autorización administrativa e aprobación do proxecto de

execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: A Batundeira, 2, Velle, 32960 Ourense.

Denominación: L.M.T., C.T., R.B.T., Tibiás.

Situación: O Pereiro de Aguiar.

Descricións técnicas: centro de transformación aéreo con 100 kVA, R/T 20.000/380-220 V en Tibiás, alimentado por acometida aérea a 20 kV de 14 m de lonxitude, derivada da L.M.T. Velle-Os Peares. Redes de baixa tensión derivadas deste C.T. e máis do C.T. aérea existente denominado Tibiás I-1 (expediente 2.980 A.T.).

Cumpridos os trámites ordenados na Lei 54/1997, do 27 de novembro, e no capítulo II do Real decreto 1955/2000, do 1 de decembro, sobre autorización de instalación eléctrica, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Innovación, Industria e Comercio no prazo de vinte días contados a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

Ourense, 21 de maio de 2003.

Ramón Fernández-Linares Bouza

Delegado provincial de Ourense