Ó non ser posible realiza-la notificación ó interesado ou ó seu representante por causas non imputables á Administración tributaria, e unha vez intentado por dúas veces, en cumprimento do disposto no artigo 105.6º da LXT (redacción pola Lei 66/1997), cítase o interesado ou o seu representante para ser notificado por comparecencia na sede desta Dependencia Provincial de Recadación, en Toledo, na rúa Alfonso X El Sabio, nº 1. No caso de non comparecer no prazo de dez días, contados desde o seguinte ó da publicación desta citación, a notificación entenderase producida para tódolos efectos legais desde o día seguinte ó do vencemento do dito prazo, de acordo co disposto no artigo 103.3º do RXR (Real decreto 1684/1990, do 20 de decembro), nos seguintes termos: Que non sendo satisfeita a
débeda de referencia no prazo de ingreso en período voluntario en virtude do establecido no artigo 127 da LXT, o órgano competente acordou:
«En uso das facultades que me confiren os artigos 100 e 106 do Regulamento xeral de recadación, liquido a recarga de constrinximento polo 20% do importe da débeda pendente e dicto providencia de constrinximento para que se proceda executivamente contra o patrimonio e garantías do(s) debedor(es), no caso de non producirse o ingreso nos prazos sinalados no artigo 108 do citado regulamento».
E ademais, teráselle por notificado de tódalas sucesivas dilixencias ata que remate a substanciación do procedemento, sen prexuízo do dereito que o asiste a comparecer.
Toledo, 20 de maio de 2003.
Jesús García Maladonado
Xefe da dependencia de Recadación
Datos do contribuínte Concepto/descrición/obx. trib. Clave liquidación Importe F. prov. apr.
Bill Mesa Nfumu, Gloria
R/ Vía Tarpeya, 19, Toledo
San Martín López, Mercedes
R/ Atambor, 10, Carranque
X1353194N
Recadación sancións Xustiza Adm. L. C1100002270082980 108,18 15-10-2002
42951652-A
Recadación sancións Transportes OU C1100002320150272 180,30 11-3-2003
* Recursos.
Recurso de reposición perante o órgano que dictou a providencia de constrinximento, no prazo de 15 días contados desde o seguinte a recibir esta notificación ou reclamación económico-administrativa, ante o tribunal competente na dita xurisdicción, no mesmo prazo, sen que poidan simultanearse ámbolos recursos. A resolución das reclamacións económico-administrativas corresponderá ós órganos económico-administrativos da comunidade autónoma.
* Motivos de impugnación.
O procedemento de constrinximento poderá impugnarse polos seguintes motivos (artigo 138.1º da Lei xeral tributaria e artigo 99.1º do Regulamento xeral de recadación).
-Pagamento ou extinción da débeda.
-Prescrición.
-Adiamento.
-Falta de notificación da liquidación ou anulación ou suspensión dela.
-Defecto formal no título expedido para a execución.
* Suspensión do procedemento.
O procedemento de constrinximento, aínda que se interpoña recurso, soamente se suspenderá nos termos e condicións sinalados no artigo 101 do Regulamento xeral de recadación (Real decreto 1684/1990, do 20 de decembro).
* Solicitude de adiamento.
Conforme establece o artigo 48 do Regulamento xeral de recadación, poderase adiar ou fracciona-lo pagamento das débedas en período executivo.
A presentación das solicitudes de adiamento ou fraccionamento efectuarase da delegación ou administracións da AEAT do territorio no que se deba efectua-lo pagamento.
* Lugar de pagamento.
Na entidade que presta o servicio de caixa da delegación ou administración da AEAT.
* Xuros de demora.
As cantidades que se deben, excluída a recarga de constrinximento, devengarán xuros de demora desde o día seguinte ó vencemento da débeda en período voluntario ata a data do seu ingreso. O tipo de xuro fixarase de acordo co establecido nos artigos 58 da Lei xeral tributaria e 36 da Lei xeral orzamentaria, segundo se trate de débedas tributaria ou non tributaria respectivamente.
* Custas.
No caso de se produciren custas no procedemento, a Administración repercutirá o seu importe ó debedor, conforme o establecido nos artigos 153 e 157 do Regulamento xeral de recadación.
* Prazo para efectua-lo ingreso.
(Artigo 108 do Regulamento xeral de recadación).
a) Recibida a notificación entre os días 1 e 15 de cada mes, ata o 20 do dito mes, ou inmediato hábil posterior.
b) Recibida a notificación entre os días 16 e último de cada mes, ata o 5 do mes seguinte, ou inmediato hábil posterior.
* Comparecencia do interesado.
Advírteselle ó debedor que pode comparecer, por si mesmo ou por medio de representante, no expediente executivo que se segue. Transcorridos oito días desde a publicación deste anuncio, sen comparece-lo interesado, terase por notificado en tódalas sucesivas dilixencias ata que remate a substanciación do procedemento sen prexuízo do dereito que o asiste a comparecer.