O Consello da Xerencia Municipal de Urbanismo, en sesión do 30 de abril de 2003, adoptou, entroutros, o seguinte acordo:
Primeiro.-Aprobar definitivamente o proxecto de urbanización do polígono U.E. I-01 Villalaura, redactado polos arquitectos Antonio Davila Alonso, Eva Filgueira García, César Jiménez López, Luis Meijide Rico e Jesús Cordeiro Rodríguez, visado polo COAG no 9-1-2002, 13-12-2001 e 13-7-2001 (expte. 4291/401).
Segundo.-Desestima-las alegacións interpostas durante o trámite de información pública, polos motivos que se sinalan na parte expositiva deste acordo.
Terceiro.-Para poder solicitar licencia de edificación antes da finalización e recepción das obras de urbanización, a xunta de compensación deberá constituír previamente fianza ou aval bancario polo importe de 899.549,53 euros, en garantía da correcta execución da dita urbanización.
Cuarto.-Antes do inicio das obras deberá efectuarse un replanteo destas, en coordinación cos técnicos da oficina municipal de Vías e Obras. Así mesmo, ó solicita-la súa recepción facilitarase representación planimétrica do realmente executado en soporte informático. Durante a execución destas obras deberá darse cumprimento ó sinalado polos enxeñeiros dos departamentos municipais de Parques e Xardíns e Servicios Electromecánicos nos seus respectivos informes citados na parte expositiva deste acordo.
Quinto.-Notifíquese o contido íntegro deste acordo ós propietarios do polígono e alegantes, coa indicación de que contra este cabe interpór, alternativamente, recurso de reposición ante esta Administración municipal no prazo dun mes, ou recurso contencioso-administrativo perante o Tribunal Superior de Xustiza de Galicia no prazo de dous meses. Publíquese no DOG e no BOP.
Contra o devandito acordo que pon fin á vía administrativa poderán interpoñerse os seguintes recursos:
a) Potestativo de reposición ante o Consello da Xerencia Municipal de Urbanismo de Vigo no prazo dun mes a partir do día seguinte ó da publicación deste anuncio.
b) Contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte ó da publicación deste anuncio.
De conformidade co artigo 59 da Lei 30/1992, do 26 de novembro, LRXAP-PAC, por medio do presente anuncio, notifícase o acordo que nel se contén
a tódolos propietarios afectados descoñecidos, de ignorado enderezo, respecto dos cales non e puido practica-la notificación intentada.
Vigo, 12 de maio de 2003.
Lois Pérez Castrillo
Alcalde-presidente da Xerencia Municipal
de Urbanismo
