Con data 16 de maio de 2003, o delegado provincial da Consellería de Sanidade da Coruña dictou resolución do expediente sancionador nº 315/2002 incoado na Delegación Provincial da Consellería de Sanidade da Coruña a Caracoles Norte-Sur, S.L.
Intentada a notificación deste acordo segundo o disposto no artigo 59 da Lei 30/1992, do 26 de
novembro, de réxime xurídico das administracións públicas e do procedemento administrativo común, modificada por Lei 4/1999, do 13 de xaneiro, e non sendo posible a súa práctica, por medio da presente cédula, e segundo o disposto no número 5 do referido artigo, notifícase a Caracoles Norte-Sur, S.L, o contido da referida resolución que figura como anexo, para que poida ter coñecemento dela.
Así mesmo, fáiselle sabe-lo dereito que lle asiste para interpor recurso de alzada ante o conselleiro de Sanidade no prazo dun mes, contado desde o seguinte á publicación da presente cédula, segundo establece o artigo 115 da Lei 30/1992, do 26 de novembro, lembrándolle o seu dereito a consulta-lo expediente depositado nas dependencias desta delegación, sita na rúa Gregorio Hernández, 2-4, A Coruña e obter, se é o caso, copia del, segundo o previsto na letra a) do artigo 35 da citada Lei 30/1992, do 26 de novembro.
En caso de conformidade con esta resolución, deberá facer efectiva a multa no prazo de 15 días hábiles, mediante ingreso que debe efectuar en calquera oficina de Caixa Galicia cta. contable 840. Código 001 ou na Caixanova Recadación Xunta: modelo XTAX e, empregando os impresos normalizados que lle serán facilitados nas dependencias desta delegación provincial. O pagamento voluntario porá fin ó expediente. De non facelo así, procederase ó seu cobramento pola vía de constrinximento.
A presente cédula expídese para que conste e lle sirva de notificación ó interesado, en cumprimento co disposto no artigo 59.5º da Lei 30/1992, do 26 de novembro.
A Coruña 13 de xuño de 2003.
Jorge Suanzes Hernández
Delegado provincial da Coruña
ANEXO
Nº expediente: 315/2002.
Denunciado: Caracoles Norte-Sur, S.L.
DNI/NIF: B82098641.
Último enderezo coñecido: peirao da Palloza, H 11. A Coruña.
Feito imputado: infracción á lexislación aplicable en materia de Rexistro Xeral Sanitario de Alimentos.
Precepto/s presuntamente infrinxido/s: art. 35.A.3 da Lei 14/1986, Lei xeral de sanidade; arts. 2.1.1; 2.2 e 3.3.3 do R.D. 1945/1983, sobre infraccións e sancións en materia de defensa do consumidor e da producción agroalimentaria e R.D. 1712/1991, polo que se aproba o Rexistro Xeral Sanitario de Alimentos.
Tipificación provisional: leve.
Sanción imposta: 30,05 euros (trinta euros con cinco céntimos).
