O Pleno do Concello de Vigo en sesión do 6 de xuño de 2003, adoptou entre outros o seguinte acordo:

«Primeiro.-Desestima-la alegación presentada por Mª Amelia Álvarez Álvarez e outros, en representación de «Voces polo Litoral de Teis», polos motivos expostos na parte expositiva deste acordo, sen prexuízo de estudia-la conveniencia de solicitar unha nova modificación do Plan especial de ordenación do porto de Vigo polos motivos expostos na alegación presentada.

Segundo.-Introducir, á vista do informe dos servicios técnicos municipais da Área de Seguridade, Circulación e Transportes, ó final da letra B.-Peirao da Laxe do artigo 29, ordenanza 11 do Plan especial do porto, o seguinte parágrafo:

«Deberase realizar un estudio de tráfico e accesos, anexo ó proxecto do centro comercial e aparcadoiros, que deberá ser supervisado e aprobado pola Consellería de Tráfico, Seguridade e Transportes».

Terceiro.-Aprobar definitivamente a modificación puntual do Plan especial de ordenación do porto de Vigo (expediente 7953/411), formulada pola Autoridade Portuaria de Vigo, por iniciativa do Consorcio da Zona Franca e o Concello de Vigo, segundo

a documentación completa, ca data de setembro de 2002, asinada polo director da autoridade portuaria Luis Lara Rubido e a xefa de división de planificación Beatriz Colunga Fidalgo, corrixida no sentido que se indica no punto anterior, no artigo 29, ordenanza 11, letra B e nos planos 1-12, 1-13 e 1-14, sobre ocupación baixo rasante do aparcadoiro subterráneo vinculado ó centro comercial do peirao da Laxe e resto de instalacións subterráneas.

Cuarto.-Procédase á publicación deste acordo de aprobación definitiva no DOG e da modificación das ordenanzas no BOP, de conformidade co artigo 92.2º Lei 9/2002, de ordenación urbanística e protección do medio rural de Galicia; á notificación deste á Autoridade Portuaria de Vigo e demais interesados no expediente, así como ás comunicacións e traslados previstos no punto 3º do devandito artigo».

Contra o devandito acordo que pon fin á vía administrativa poderá interpoñerse recurso contencioso-administrativo ante o Tribunal Superior de Xustiza de Galicia no prazo de dous meses contados desde o día seguinte da publicación deste anuncio.

De conformidade co artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por medio deste anuncio, e publicación no taboleiro de edictos do concello, notifícase o acordo que nel se contén a tódolos propietarios que sexan descoñecidos, se ignore o lugar da notificación ou ben, intentada esta, non se puidese practicar.

Vigo, 20 de xuño de 2003.

Ventura Pérez Mariño

Alcalde, presidente da Xerencia de Urbanismo