Dando cumprimento ó establecido no artigo 2 do Decreto 369/1998, do 10 de decembro, polo que se regula a composición e funcións da Comisión Heráldica da Xunta de Galicia, sométese a información pública o acordo adoptado polo Pleno da Corporación en sesión extraordinaria celebrada o doce de maio de dous mil tres, polo que se aproba a bandeira do concello sendo o seu deseño e descrición os que se recollen no presente anuncio. Os
interesados poderán presenta-las alegacións que consideren oportunas no prazo dun mes a contar desde o día seguinte ó da publicación do presente anuncio no Diario Oficial de Galicia. As alegacións serán resoltas polo Pleno e se non se presentase ningunha o devandito acordo quedará elevado a definitivo.
A Teixeira, 19 de maio de 2003.
Miguel A. Cid Álvarez
Alcalde
Descrición:
«Sobre o pano verde, as dúas espigas de amarelo, postas en aspas, acompañadas no alto dun acio de uvas do mesmo e, á hasta, terciado de amarelo».
Deseño: