Con data do 7 de febreiro de 2003, a delegada provincial da Consellería de Sanidade de Pontevedra dictou acordo de inicio do expediente sancionador 14/03CAR, incoado na Delegación Provincial da Consellería de Sanidade de Pontevedra a José Luis Rendo Alonso, con CIF/NIF: 35548929-Z, propietario da Carnicería San José, situada na rúa Virxe do Camiño, Rebordáns, concello de Tui.
Intentada a notificación deste acordo segundo o disposto no artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro, e non sendo posible a súa práctica, por medio desta cédula, e ó abeiro do disposto no número 5 do referido artigo, notifícaselle a José Luis Rendo Alonso o contido do referido acordo que figura como anexo para que poida ter coñecemento del.
Así mesmo, fáiselle sabe-lo dereito que o asiste, ó abeiro do disposto no número 1 do artigo 16 do Real decreto 1398/1993, do 4 de agosto, polo que se aproba o Regulamento para o exercicio da potestade sancionadora, para presentar alegacións ante esta delegación provincial no prazo de 15 días hábiles, contados desde o seguinte ó da publicación desta cédula, lembrándolle o seu dereito a consulta-lo expediente, depositado nas dependencias desta delegación, sita na avenida de Vigo, 16-concello de Pontevedra, e obter, se é o caso, copia del, segundo o previsto na letra a) do artigo 35 da Lei 30/1992, do 26 de novembro.
Apercíbeselle tamén de que de non efectuar alegacións sobre o contido do dito acordo no citado prazo, a iniciación poderá ser considerada proposta de resolución cando conteña un pronunciamento preciso acerca da responsabilidade imputada, cos efectos previstos nos artigos 18 e 19 do citado regulamento.
Esta cédula expídese para que conste e lle sirva de notificación ó interesado, en cumprimento do dis
posto no artigo 59.5º da xa citada Lei 30/1992, do 26 de novembro.
Pontevedra, 13 de maio de 2003.
María Dolores Pan Vázquez
Delegada provincial de Pontevedra
ANEXO
Nº expediente: 14/03CAR.
Denunciado: José Luis Rendo Alonso.
DNI/NIF: : 35548929-Z
Último enderezo coñecido: rúa Virxe do Camiño, Rebordáns, Tui (Pontevedra).
Feito imputado: infracción sanitaria á lexislación aplicable ás condicións de producción e comercialización de carnes frescas.
Preceptos presuntamente infrinxidos: artigo 35.B) 2ª, 6ª da Lei 14/1986, do 25 de abril, xeral de sanidade; artigo 2.2.3.4 e artigo 4.4.3.3 do Real decreto 1945/1983, do 22 de xuño, polo que se regulan as infraccións e sancións en materia de defensa do consumidor e da producción agroalimentaria; artigo 3º do Real decreto 147/1993, do 29 de xaneiro, modificado polo Real decreto 315/1996, do 23 de febreiro, polo que se establecen as condicións sanitarias de producción e comercialización de carnes frescas, e artigo 13, punto 13.5.1, do Real decreto 379/1984, do 25 de xaneiro, polo que se aproba a regulamentación técnico-sanitaria de industrias, almacéns por xunto e envasadores de productos e derivados cárnicos elaborados e dos establecementos do comercio polo miúdo da carne e productos elaborados.
Tipificación provisional: grave.
Sanción procedente: multa de 3.005,07 euros ata 15.025,30 euros (tres mil cinco euros con sete céntimos ata quince mil vintecinco euros con trinta céntimos).