A Comisión Municipal de Goberno, en sesión realizada o día 5 de maio de 2003, adoptou, entre outros, o seguinte acordo:
Primeiro.-Desestima-la alegación formulada por María Riveiro Fernández ó proxecto de urbanización, de conformidade co informe emitido polo director do proxecto que figura no expediente.
Segundo.-Aprobar definitivamente o proxecto de urbanización da dotación local de viario VL-F 12.01 Lugar de Cabana, promovido polo concello.
Terceiro.-Ordena-la publicación deste acordo na forma legalmente prevista.
Cuarto.-Comunicar ó conselleiro de Política Territorial, Obras Públicas e Vivenda, a aprobación definitiva do proxecto de urbanización, dándolle traslado dunha copia do acordo de aprobación definitiva.
Quinto.-Dilixenciar cantos elementos integran o proxecto de urbanización definitivamente aprobado.
Este acordo pon fin á vía administrativa, podendo interpor contra el, con carácter potestativo, recurso de reposición perante o órgano que o dictou, no prazo dun mes, ou directamente recurso contencioso-administrativo perante a Sala correspondente do Tribunal Superior de Xustiza de Galicia no prazo de dous meses, ámbolos dous prazos contados a partir do día seguinte a aquel no que se practicou a notificación ou, se é o caso, a publicación; todo isto de conformidade cos artigos 116 e 117 da Lei 30/1992, do 26 de novembro, de réxime xurídico das administracións públicas e do procedemento administrativo común, en relación co artigo 46 da Lei da xurisdicción contenioso-administrativa, do 13 de xullo de 1998, sen prexuízo de calquera outro que estime pertinente.
O que se publica para xeral coñecemento.
A Coruña, 19 de maio de 2003.
Salvador Fernández Moreda
Concelleiro delegado de Urbanismo